Juud 1:4 - Yennu Gbounpaauŋ Mɔɔr

⁴ kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Yennu Gbouŋ Mɔɔr

⁴ kimaan nisiab nba ki tiin Yennu na kɔɔ i sinsuuk ni woonin nie, ki lebit ŋɔɔ Yennu ninbatinu labaar na, a bii tuun bi gbanant loonbiit; ki ki saak Yiisa Masia mɔbi; ŋɔɔ kuukɔɔe tee ti Yudaanɔ nan ti Yomdaanɔ. Biitdamm maŋ tubdatu poŋ sɔb Yennu gbouŋ ni, ki li yukira.

Juud 1:4 ပူးပေါင်းရင်းမြစ်များ

Matiu 13:25

Ki niib tan dɔɔr, ki u dataak saan saa bur dinatimii ki kɔɔn diboorŋanii na ni, ŋaan yaat.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Toona 15:24

Ti gbat ki ti nisiab baar i peŋ, a ki piaki barsai ki li daamii-i ki ŋmat i yan, ŋaan ti mun ki wannib siar, a bin tan teen nna,

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

1 Timoti 5:8

Wunba ki gorii u nikpiimm, amii linba mantik gar tee u kii fiin u mɔŋ mɔŋ ŋaak niib po, li daanɔ kɔŋ yadawa; ki wunba ki tee Masiaweirɔ gbaa sɔu.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

2 Timoti 3:6

Bisiabe lin ki doi ŋei ki kpann pooliinii nba tuu tuun toonbiit bonchiann ki waa bi para nianbiit booru booru, ki nyint bi yan.

1 Piita 2:16

I be nan yentinmɔŋ binbeŋ; ŋaan i daa dia i yentinmɔŋ binbeŋ na ki li teeni yaak ki i tuun toonbiiti, ŋaan kii mɔk Yennu daaba binbeŋ.

1 Piita 2:8

Li bia sɔb a “Tann maŋe ki niib sa gbiat, tanpiiuk maŋe sa te ki niib-n baa.” Ba ki sak Yennu mɔmaan paake ki bi gbiatir kaman nan wa din sennib biaŋinba na.

1 Piita 4:18

Li sɔb Yennu gbouŋ ni a “Li-i paar ki niŋamm-n tinn, ki biitdamm nan binba ki tiin Yennu ji sa teen nlee ki tinni?”

2 Piita 2:10

Niib nba waa bi gbanant loonbiit ki tuun bonchonchonn toona, ki sian yudamm, Yennu tan sa dat li damm tuba ki gar wa tan sa dat nileeb tuba biaŋinba nawa. Faak wannteeb maŋ nba be i sinsuuk ni na, bi tee tubkangbata damme, bi ki tiin sɔɔ. Bi sukii malakanbae ki ki mɔk jaŋmaanii.

2 Piita 2:7

U bia din tan tinn Lot, wunba din tee niŋanɔ na. Biitdamm nba din tuun bi gbanant loonbiit biaŋinba na, li din biir ŋɔɔ Lot par ni bonchiann.

2 Piita 3:7

Ŋaan ŋɔɔ Yennu mɔmaame bia lek sii dia sanpaak nan tiŋ nba be mɔtana na mɔkmɔk nan yoo nba ki u tan sa te ki li kura-n di muu, ki biir biitdamm, kimaan li daar u tan sa bu bi buut ki biirib.

1 Jɔɔnn 2:22

Ki ŋmee tee faak daanɔ? Li tee wunba yaa a Yisa ki tee Yennu Niganntɔɔ Masia wunba ki u din tumɔ tingbouŋ na ni nae. Ŋɔɔe tee Yisa dataak maŋ, ki yêen ti Baa Yennu nan u Bija Yisa mun biak.

Juud 1:15

a wun bu nifosaarik kur buut, ki biir binba kur ki tiinɔ, ba tuun toonbiit, ki ki saak u mɔb biaŋinba na; nan biitdamm kura, ba piak mabiit kur ki biirɔ biaŋinba na, ki bi baka kaa nanɔ.”

Juud 1:18

Bi din yet a “Dajoontii daa maŋ ni, niib nba waa bi mɔŋ gbanant loonbiit na tan sa fiir ki sarikiti.”

Fiitu 15:4

Ti Yomdaanɔ, ŋmee be ki kan tiina ki bia kan dont a sanni? Kimaan fin kuukɔɔe tee popeendaanɔ. Nibooru kur tan sa baar ki jianta, kimaan a barmɔnii toona nyii paanu niwa.”