Juud 1:21 - Yennu Gbounpaauŋ Mɔɔr

²¹ kii tee niib nba ki Yennu loomm, kii guu yoo nba ki ti Yomdaanɔ Yisa Masia sa turi manfoor nba kaa gbennu, u ninbatinu paak.

Yennu Gbouŋ Mɔɔr

²¹ kii tee niib nba ki Yennu loonib, kii guu yoo nba ki ti Yomdaanɔ Yiisa Masia saa turi manfoor nba kaa gbennu, u ninbatinu na paak.

Juud 1:21 ပူးပေါင်းရင်းမြစ်များ

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 5:5

ki dindann maŋ ni ti tan kan di fei, kimaan Yennu jii loomm nba ki u mɔk na ki teen ti para ni, u Seyeeŋ nba ki u turit na paak.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

Rom Teeb 8:39

linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

2 Korint teeb 13:14

Ti Yomdaanɔ Yisa Masia sommir, nan Yennu loomm, nan u Seyeeŋ mɔtaauk na-ii be nan i kura.

2 Tesalonika teeb 3:5

Ti Yomdaanɔ maŋ-n sommi ki yin bann Yennu nba loont biaŋinba, ki bia mɔk gbankur nba ki Masia teent na.

1 Timoti 1:2

mine sɔbin gbouŋ na ki teen fin Timoti, wunba tee n bimɔŋ, yada teenu nie. Ti Baa Yennu nan ti Yomdaanɔ Yisa Masia-n somma, ki bia tina ninbaauk, ki bia tura parmaasir.

2 Timoti 1:16

Ti Yomdaanɔ-n tin Onesiforus ŋaateeb ninbaauk, kimaan u daan yoo cheen n par. U daan ki tin fei nan ma kɔɔ dansarik na paak;

2 Timoti 1:18

Ti Yomdaanɔ-n tinɔ ninbaauk Daar maŋ daar. A mɔŋ mi fanu wa din sommin bonchiann biaŋinba Efesus ni.

2 Timoti 1:2

n sɔb gbouŋ na ki teen n bilonkak Timoti. Ti Baa Yennu nan ti Yomdaanɔ Yisa Masia-n somma, ki bia tina ninbaauk, ki bia tura parmaasir.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

2 Piita 3:12

kii guu Yennu daar maŋ, ki yabir i mɔŋ paak ki daar maŋ-n baar yian. Li daare ki sanpaapo tan sa kab ki biir, ki muu na tonu tan sa nann sanpaapo bonnankaa.

1 Jɔɔnn 4:16

Ki ti mɔŋ mɔŋ mun bann Yennu nba loonit biaŋinba, ki bia teen yada nan u set loonit. Yennu tee loomm, ki daanɔ nba yɔɔ mɔk loomm nna, ŋɔɔe gaa Yennu paak, ki Yennu mun bia be u ni.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.

1 Jɔɔnn 5:21

N waas, nyint i mɔŋ man nan pata ni.

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Juud 1:22

Binba dudukit laŋ na, yi tinib ninbaauk, ki soorib

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.