Juud 1:15 - Yennu Gbounpaauŋ Mɔɔr

¹⁵ a wun bu nifosaarik kur buut, ki biir binba kur ki tiinɔ, ba tuun toonbiit, ki ki saak u mɔb biaŋinba na; nan biitdamm kura, ba piak mabiit kur ki biirɔ biaŋinba na, ki bi baka kaa nanɔ.”

Yennu Gbouŋ Mɔɔr

¹⁵ a wun bu nisaarik kur buut, ki biir binba kur ki tinɔ, ki ki sak u mɔb, ki tun toonbiit biaŋinba; nan biitdamm kur nba pak mabiit nba kur ki biirɔ, ki bi baka kaa nanɔ biaŋinba na.”

Juud 1:15 ပူးပေါင်းရင်းမြစ်များ

Jɔɔnn 5:27

ki u bia teenin yikoo a mii bu niib buut, kimaan n tee nisaarik Bike.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 14:10

Ki fin, bee teen ki a biir a naa biki? Bee teen ki a yisin a naa biki? Ti kur tan sa set Yennu tɔɔnn ki wun bu ti buut.

Rom Teeb 2:16

Tɔn, li tan sii tee nnee daar maŋ daar nba ki Yennu tan sa bu niib kur para ni buut Yisa Masia paak, kaman nan ma mɔɔntir barŋanii maŋ biaŋinba na.

Rom Teeb 2:5

Ŋaan a par wakii ki a lek ki sak nan fan nyik toonbiit tumu na, li paak, a pukii a mɔŋ fara nba ki a tan sa la daar nba ki Yennu tan sa bu niib buut nan barmɔnii, ki u wutoor na tan sa nyi paanu;

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

1 Korint teeb 5:13

Li poŋ sɔb Yennu gbouŋ ni a “I ber biitdaanɔ na ki nyinnɔ i sinsuuk ni.”

1 Timoti 1:9

I tian nan sennu ki see nifoŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm paak, nan jakint damm, nan binba ki teen Yennu nibaakir paak, nan binba kpi bi baanba nan bi naanba, nan nifokpiira,

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la siar.

Fiitu 13:11

Li poorpo ki n bia la muuk ni bonkoblɔɔ ki u nyii tiŋ ni ki mɔk yina ŋannlee nba naan nan Pebik yina na, ki u piak ki u kunkɔr naan nan waakperbiiuk kunkɔr na;

Fiitu 22:20

Tɔn, ki wunba tur siara na yet a “Mɔmɔmm, n baate mɔtana.” Mɔmɔmm, ŋaant ki lin teen nna. Ti Yomdaanɔ Yisa, baat na.