Juud 1:11 - Yennu Gbounpaauŋ Mɔɔr

¹¹ Parbiir be bi paak; kimaan bi wei Keenn sɔnbiiuk nawa; bi bia tee kpinkpannii damm likirii paak kaman nan Balaam nba din tee biaŋinba na; ki bia tuun kaman nan Kora nba din tun ki ki sak Yennu mɔb ki tan kpo na; bi mun tan sa kpo nnee.

Yennu Gbouŋ Mɔɔr

¹¹ Bonbiir be bi paak; kimaan bi wei Keenn sɔnbiiuk nawa; bi bia tee kpinkpannii damme likirii paak, nan Balam nba din tee biaŋinba na; ki bia tuun nan Kora nba din tun ki ki sak Yennu mɔb ki tan kpo na; bi mun tan saa kpo nnae.

Juud 1:11 ပူးပေါင်းရင်းမြစ်များ

Matiu 11:21

Ki u din yet a “Li tan sii bi yimm Korasin teeb paak; li tan sii bi yimm Betsaida teeb mun paak; kimaan mi-i bo-i tun bakitnauŋ toonjaana Taya nan Saidon doi ni kaman nan ma daan tun i doi ni na, bi daan bo sa nyik bi biit yiama, ki pat faauk ki puk bi mɔŋ tanpent ki lin wann nan bi dii sindanta.

Hiibru teeb 11:4

Abel yada paake ki u din mann mannu tur Yennu ki li mannu ŋan ki gar Keenn yar. U yada paake ki Yennu din pakɔ ki purɔ yentinɔ, kimaan ŋɔɔ Yennu tiauŋ din gaar u piinii nawa. Abel din kpowa, ŋaan u yada paake ki u bia lek daa piak.

2 Piita 2:15

Bi ki saak ki waa sɔnu nba tooki, ŋaan tokii sɔnganu; bi waa Beor bija Balaam nba din waa sɔnu nba nee. U din loon toonbiit nyɔɔte,

1 Jɔɔnn 3:12

Li ki ŋan ki tii be kaman nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki din kpii u waarɔ. Bee paake te ki u din kpiiu? U din la u waarɔ tuun toonŋana, ŋaan ki u yar bi.

Fiitu 2:14

Ŋaan mɔmɔmm, i mɔk biit ŋannlee nnae ki n sa wanni: siab be i sinsuuk ni ki dia Balaam sennu; ŋɔɔe din wann Balak wa sa teen biaŋinba ki te ki Israel teeb-n tun biit na. U din te ki bi dii pata nant, ki bia te ki bi chomm nan leeb.