Jɔɔnn 9:39 - Yennu Gbounpaauŋ Mɔɔr

³⁹ Ŋanne ki Yisa yet a “N baar tingbouŋ na ni a n bu niib buut, ki bia yent binba ki mɔk ninyentir numm po, ŋaan dɔkin binba mɔk ninyentir numm po.”

Yennu Gbouŋ Mɔɔr

³⁹ Ŋanne ki Yiisa yet a, “N baar tingbouŋ na ni a n bu niib buut, ki bia yent binba ki mɔk ninyentir na numm poe, ŋaan dɔkin binba mɔk ninyentir na numm po.”

Jɔɔnn 9:39 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Matiu 15:14

Li paak, ŋaantib man ki bii saa, kimaan bi tee kaman nan jɔɔnii nee ki daar bi jɔɔnlei; ki li-i tee ki jɔɔŋ daar u lɔɔ, see ki bi kura baa bootuk ni.”

Matiu 6:23

ŋaan a ninbina-i kii ŋani, a gbanant kur sii bɔne. Li paak, li-i tee ki yentu nba be a ni na tan bɔni, bunbɔnchiauŋ lannpoe na.

Barŋanii nba ki LUK din sɔb nae na 1:79

ki li tan sa yent sanpaapo ki tur binba be bunbɔnn ni nan binba per kuun; ki li bia tan sa yent ti taa ni ki tin tɔkin parmaasir sanjouk ni.”

Barŋanii nba ki LUK din sɔb nae na 13:30

Nnara, nisiab nba joont tan sa dɔŋ saan liik, ki siab nba mun dɔŋ saan liik tan sa joont.”

Barŋanii nba ki LUK din sɔb nae na 2:34

Ki Simeon din miar Yennu mɔsonŋann bi paak, ŋaan bet bik na naa Mari a “Nnara, Yennu nyinn bik na ki sennɔ a Israel teeb bonchiann-n baa yann u paak; ki leeb bonchiann mun bia tan sa tinn u paake. Ŋɔɔ tan sii tee nyinn nba ki niib bonchiann sa pak ki biir na;

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Barŋanii nba ki LUK din sɔb nae na 7:21

Li yoo li yoo na ki Yisa din te ki baatib nan yiarpaarii damm bonchiann paak, ki nyinn narinbiit siab ni, ki nyɔɔnt jɔɔnii bonchiann;

Jɔɔnn 12:31

Yoo nba ki Yennu yaa wun tan bu tingbouŋ na ŋaateeb buut na, li yoo baat; ki u bia sa biir tingbouŋ na yudaanɔ Sintaanii paŋ.

Jɔɔnn 12:46

N baar tingbouŋ ni na ma mii tei yentir niibe, ki daanɔ nba teenin yada, u kan biar bunbɔnn ni.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 3:19

Linba paak te ki Yennu bu bi buut ki biirib maŋ tee nnee: Yennu Bija din baar tingbouŋ na ni a wun yent tingbouŋ na niib nummpo, ŋaan ki nifosaarik loon bunbɔnn ki gar yentu maŋ, kimaan bi toona nba bi biaŋinba na paak,

Jɔɔnn 8:12

Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Jɔɔnn 8:15

Yimm gorii nirɔ nanyer poe ki bu u buut, ŋaan min ŋarin ki bu sɔɔ buuti.

Jɔɔnn 9:25

Ki jɔɔ na yetib a “Wa tee biitdaanɔ, amii wa ki tee, n ki mi. Ŋaan min ŋarin mi bonyenne: n tuu tee jɔɔŋe, ŋaan mɔtana n ji laat.”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

2 Korint teeb 2:16

Binba ki la tinnu na boor ni, ti tee kaman nan nubiru nba baat nan kuun nee, ŋaan binba la tinnu boor ni ŋanimiie, ti tee kaman nan nubiru nba baat nan manfoor nee.

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a “Fin nba gɔɔnt, fan fiir gɔɔn ni, ki li want nan a fiir kuun nie na, ki Masia sa tura u yentu.”

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Jɔɔnn 2:11

Ŋaan wunba nân u naa bik, bunbɔnn be u ni, ki u benu ni mun bia bɔne, ki bunbɔnn maŋ dɔkin u numm po, ki u ki laat wa saa siaminba po.