Jɔɔnn 9:29 - Yennu Gbounpaauŋ Mɔɔr

²⁹ Ti mi nan Yennu din piak nan Moses, ŋaan nirɔ na ŋarin, ti ki mi wa nyii siami.”

Yennu Gbouŋ Mɔɔr

²⁹ Ti mi nan Yennu din piak nan Moses, ŋaan nirɔ na ŋarin, ti ki mi waa nyii siami.”

Jɔɔnn 9:29 ပူးပေါင်းရင်းမြစ်များ

Matiu 12:24

Ŋaan Farisiinba na nba din gbat nna maŋ, ki bi yaa a “Narinbiit bat Beelsebule teen jɔɔ maŋ yikoo a wuu nyint narinbiit niib ni.”

Matiu 26:61

“Jɔɔ na daan yet a u mɔk yikoo ki sa fit bet Yennu jiantu ŋasaakak na, ŋaan bia maar daa ŋanntaa sinsuuk ni.”

Barŋanii nba ki LUK din sɔb nae na 23:2

Leŋe ki bi ji din piin ki want u biit ki yeen a “Ti la nirɔ na ki u biir ti niib ki yaa a bi daa pa lampo kii teen Kpanbar Siisa, ki bia yeen a ŋɔɔe tee Yennu Niganntɔɔ Masia, ki bia tee kpanbar.”

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 7:27

Ti mi jɔɔ na nba nyii siaminba, ŋaan Yennu Niganntɔɔ Masia na-i taŋŋi baar, sɔɔ kan fit bann wa nyii siami.”

Jɔɔnn 7:28

Yisa nba want niib wannu na Yennu jiantu ŋasaakak ni na, ki u tan pak sanpaapo ki yetib a “I dukii nan i min bonŋann, ki bia dukii a i mi ma nyii sian. N ki baar n mɔŋ baaru kaa. Daanɔ nba tumin na, ŋɔɔe mɔk barmɔnii kur; ki i ki miu.

Jɔɔnn 8:14

Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami.

Jɔɔnn 9:16

Ki Farisiinba siab yet a “Yisa ki nyii Yennu boor ni kaa, kimaan u tuun toonn foon daar. Ŋannii want nan u ki dia foon daar sennu.” Ki bi siab mun boi a “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

Jɔɔnn 9:24

Ki li taar munnlee nie ki bi bia ŋamm yiin jɔɔ nba tuu tee jɔɔŋ ŋaan tan nyɔɔnt na, ki tan betɔ a “I teen Yennue nibaakir nan niipoouk; kimaan ti mi nan Yisae tee biitdaanɔ.”

Jɔɔnn 9:30

Ki jɔɔ nba nyɔɔnt maŋ yetib a “Bee paruko mani, ki i tan yaa a i ki mi wa nyii siami, ŋaan ki u nyɔɔnt n nunii.

Toona 22:22

Tɔn, Pɔɔl nba piak nna maŋ, ki niib na lek maak bi mɔŋ ki gbiint wa pak linba maŋ, ŋaan wa tan pak joont ki bi ji ki saki, ki tian tintianii sanpaapowa a “Jɔɔ na ki ŋan nan wuu be tingbouŋ na ni. Yimm taan lek kpimɔ man.”

Toona 26:22

ŋaan la jii ki tan tuu dinna, ki Yennu guun, ki n ji be ki see ki mɔɔntir u maan ki teen tatimm nan paarib kura na. Ma piak linba na, ŋaan ŋann nan Moses nan Yennu sɔkiniinba nba din tuu piak linba kur na, li ki mɔk bɔkitu. Ŋamm din piak linba tan sii tee,

Toona 7:35

Ŋanne ki Stiifen bia lek piak ki saa a “Moses nba nee ki Israel teeb din yêtɔ na, ki bi din betɔ yaa a ‘Sɔɔ ki ganna a a teen ti yudaanɔ amii ti barbuurɔ,’ ŋaan ŋɔɔ nee ki Yennu mun din gannɔ a wuu tee bi yudaanɔ nan bi fatitɔɔ biak; ki ŋɔɔ Yennu din te ki malaka pak nanɔ ŋaan tumɔ. Malaka maŋe ki Moses din lau kunkonjagotuk paak muu na ni na.

Hiibru teeb 1:1

Yaayoo ni, ki Yennu din jikit yoo bonchiann nan sɔnii bonchiann ki te ki sɔkiniinba piak teen timm Juu teeb yejamm;

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.