Jɔɔnn 9:16 - Yennu Gbounpaauŋ Mɔɔr

¹⁶ Ki Farisiinba siab yet a “Yisa ki nyii Yennu boor ni kaa, kimaan u tuun toonn foon daar. Ŋannii want nan u ki dia foon daar sennu.” Ki bi siab mun boi a “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

Yennu Gbouŋ Mɔɔr

¹⁶ Ki Farisiinba na siab yet a, “Yiisa ki nyii Yennu boor kaa, kimaan u ki dia foon daar sennu na.” Ki bi siab mun boi a, “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

Jɔɔnn 9:16 ပူးပေါင်းရင်းမြစ်များ

Matiu 12:10

Ki jasɔɔ nna mun din be leŋ, ki u nuu kpo ki goon. Ki siab din loon bin la Yisa biita ki biirɔ; li paak, ki bi boiɔ a “Ti sennu saak a nirɔ-n te ki baatɔɔ paak foon daarii?”

Matiu 12:2

Farisiinba na siab nba din la nna maŋ, ki bi bet Yisa a “Gotir, a poorpoweiteeb tuun linba ki ti sennu ki chab nan tii tuun foon daari.”

Barŋanii nba ki LUK din sɔb nae na 13:14

Ŋanne ki Yenjiantu diiuk yudaanɔ wutoor din doo, kimaan Yisa nba te ki nirɔ paak foon daar na paak; ki u bet niib na a “Daa ŋannloob ki ti sii tuun toonn. I tuu baar li daa ni kii laat paaku, ŋaan i daa baat foon daar a wun te ki i paak.”

Jɔɔnn 10:19

Wa yet nna yoonba, ki Juu teeb yudamm bia ŋamm bɔkit;

Jɔɔnn 14:11

Li paak, teentin yada nan n be n Baa Yennu ni, ki n Baa Yennu mun be n ni. Li-i kii tee nna biaki, yin teen bakitnauŋ toonjaana nba ki n tuu tuun na yada.

Jɔɔnn 15:24

Mi-i bo-i kii tuun toonjaana nba ki sɔɔ daa ki mi tun na bi boor ni, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 5:10

Li paake teen ki Juu teeb yudamm din betɔ a “Dinna tee foon daare. Ti sennu ki chab nan fan jii a dɔɔnu kii somm nanni.”

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Jɔɔnn 6:52

Ŋanne ki mɔniɔk fiir Juu teeb maŋ sinsuuk ni ki jikit saa Yisa nba pak na po, ki bi boi bi leeb, “Nlee ki jɔɔ na sa turit u gbanant ki tin dii?”

Jɔɔnn 7:12

Ki niib bonchiann nba be leŋ na burin ki piak bonchiann ki jikit saa u po; ki siab yaa a “U tee niŋanɔe,” ki leeb yaa a “Aaii, a u kpann niib nae;”

Jɔɔnn 7:23

Tɔn, li-i tee ki i pot bonjabis foon daar, a i daa bot Moses sennue, nlee ki i donn wutoor n paak a ma te ki baatɔɔ paak foon daar na?

Jɔɔnn 7:43

Ki niib na ji soor bɔkit kimaan Yisa paak.

Jɔɔnn 9:24

Ki li taar munnlee nie ki bi bia ŋamm yiin jɔɔ nba tuu tee jɔɔŋ ŋaan tan nyɔɔnt na, ki tan betɔ a “I teen Yennue nibaakir nan niipoouk; kimaan ti mi nan Yisae tee biitdaanɔ.”

Toona 14:4

Ki doo na niib din bɔkit, ki siab din see Juu teeb poor, ki leeb na mun see toomiinba na poor.