Jɔɔnn 8:55 - Yennu Gbounpaauŋ Mɔɔr

⁵⁵ I ki miu, ŋaan min ŋarin miu. Li-i bo-i tee ki n yaa a n ki miu, n bo sa teen faak daanɔ kaman nan yimm nawa. Ŋaan n miu, ki bia saak u maan.

Yennu Gbouŋ Mɔɔr

⁵⁵ I ki miu, ŋaan min ŋarin miu. Li-i bonni tee ki n yaa n ki miu, n bo saa teen faak daanɔ nan yimm nawa. Ŋaan n miu, ki bia saak u maan.

Jɔɔnn 8:55 ပူးပေါင်းရင်းမြစ်များ

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Barŋanii nba ki LUK din sɔb nae na 10:22

Ki Yisa ŋamm yet a “N Baa Yennue wannin barii na kura; ki sɔɔ ki mi ma tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 15:10

Li-i tee ki i saak n mɔb, n loomm sii be i ni. Li mun bia tee nnee ki n saak n Baa Yennu mɔb, ki u loomm mun be n ni.

Jɔɔnn 15:21

Bi set sa mukisiiwa, kimaan ya tee n yab na, ki jenna, ba ki mi Yennu wunba tumin na paak.

Jɔɔnn 16:3

Bi tan sa tun linba na ki turiiwa, kimaan bi ki mimi, ki bia ki mi n Baa.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 6:46

Ŋaan sɔɔ daa ki mi la n Baa Yennu maŋi, see min nba din tuu be nanɔ na kuukɔɔe laatɔ.

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

Jɔɔnn 8:29

Ki wunba tumin nae be nanin. U ki nyikit n kuukɔɔ, kimaan n tuu tuun linba gboot u numme.”

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Jɔɔnn 8:51

Barmɔniie ki n beeri na, daanɔ nba saak n maan, u kan mi ki kpo.”

Jɔɔnn 8:52

Ki Juu teeb na betɔ a “Mɔtana ti set bann nan narinbiiuk be a ni. Abraham din kpoa, ki Yennu sɔkiniinba mun din kpoa, ŋaan ki a yaa a daanɔ nba saak a maan kan mi ki kpo.

Toona 17:23

ki ma kak ki lin i doo na, n got i pata, ki bia la binbintir ki li sɔb li paak a ‘Yennu nba ki ti ki miu.’ N loon ki n wanni wunba ki i pukii ki teenɔ ŋaan ki miu na.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

1 Jɔɔnn 1:6

Ki ti-i yaa a timm nan Yennu mɔk mɔtaauk nan leeb, ŋaan ki bunbɔnn be ti ni, ŋann ti fa faake ti mɔi ni, ki ti toona nee set want nan ti fa faak.

1 Jɔɔnn 2:22

Ki ŋmee tee faak daanɔ? Li tee wunba yaa a Yisa ki tee Yennu Niganntɔɔ Masia wunba ki u din tumɔ tingbouŋ na ni nae. Ŋɔɔe tee Yisa dataak maŋ, ki yêen ti Baa Yennu nan u Bija Yisa mun biak.

1 Jɔɔnn 2:4

ki li-i tee ki sɔɔ yet a “N miu,” ŋaan bia ki dia u sennii, li yɔɔ tee faak daanɔe, ki barmɔnii kaa u ni.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.

Fiitu 3:9

Nnara, binba tee Sintaanii niib, faidamm nba yaa a bi tee Juu teeb ŋaan ki ki tee na, n sa te ki bin baar ki tan gbaan i tɔɔnn po ki bann nan n set looni.