Jɔɔnn 8:47 - Yennu Gbounpaauŋ Mɔɔr

⁴⁷ Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”

Yennu Gbouŋ Mɔɔr

⁴⁷ Wunba nyii Yennu boor, ŋɔɔe gbia Yennu maan; ŋaan yaa ki nyii Yennu boor na, li paake ki i ki gbia Yennu maan maŋi.”

Jɔɔnn 8:47 ပူးပေါင်းရင်းမြစ်များ

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Jɔɔnn 18:37

Ki Pailat boiɔ a “A set tee kpanbare ŋarimii?” Ki Yisa jiin a “Nn, fine yeen a n tee kpanbar. Bi din marin a n wann niib barmɔnii wannue. Na paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 5:25

“Barmɔniie ki n beeri na, yoo baat, ki li poŋ baara, ki kpeemm tan sa gbat min Yennu Bija kunkɔr, ki binba gbat n kunkɔr maŋ sa la manfoor nba kaa gbennu.

Jɔɔnn 6:65

Ki u bia ŋamm yet a “Li paake te ki n beti a sɔɔ kan fit baar n boor ni ki teen n yɔɔ, see ki n Baa Yennu te ki u baar.”

Jɔɔnn 8:37

N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Jɔɔnn 8:43

Bee teen ki i ki bann n maan na paaki? kimaan ya kan fit gbat n maan maŋ na.

Jɔɔnn 8:45

Ma beeri barmɔnii nee te ki i ki teenin yada.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.

3 Jɔɔnn 1:11

N yɔɔk, daa tokii sɔɔ biiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun biit, u ki bann Yennu.