Jɔɔnn 8:37 - Yennu Gbounpaauŋ Mɔɔr

³⁷ N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Yennu Gbouŋ Mɔɔr

³⁷ N mi nan i tee Abraham yaaboonae, ŋaan ki i lek yiab a yin kpin, kimaan n maan maŋ ki kɔɔ i tuba ni.

Jɔɔnn 8:37 ပူးပေါင်းရင်းမြစ်များ

Matiu 13:15

Kimaan niib na yan dɔkin, bi tuba mun paare, bi bia mun bi ninbinae, kimaan bi ki loon bin la siari, ki bia ki loon bin gbati, ki bia ki loon a bi yan-n dɔkiti, ki bia ki loon bin nyik bi biit, ki min tinnibi.’

Matiu 3:9

I daa mɔk parbifaant nan Abraham tee i yeja; n beerie, Yennu sa fit ki fiin tana nba na ki lin kpant Abraham yaaboona.

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 11:53

Ki li daar maŋ ki jii saa ki Juu teeb yudamm na lor soor a bin kpi Yisa.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Jɔɔnn 7:1

Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Jɔɔnn 7:19

“Li ki tee Moses kaa din turi ti sennu-uu? Ŋaan i sɔɔ ki dia li sennu maŋi. Ki bee ki i loon ki i kpimi?”

Jɔɔnn 7:25

Ŋanne ki Jerusalem nisiab boi bi leeb a “Nirɔ nba nee ki bi yabii a bin kpiu na-aa?

Jɔɔnn 8:33

Ki bi yetɔ a “Ti tee Abraham yaaboonae, ki ti ki mi ki teen sɔɔ daaba. Nlee ki a yaa a ti tan sa nyi yiar ni?”

Jɔɔnn 8:43

Bee teen ki i ki bann n maan na paaki? kimaan ya kan fit gbat n maan maŋ na.

Jɔɔnn 8:56

I chanbaa Abraham din mɔk parpeenn bonchiann, kimaan u yaa wun tan la yoo nba ki n sa sik tingbouŋ na ni; ki u set tan la li yoo maŋa, ki li maŋŋɔ.”

Jɔɔnn 8:59

Ŋanne ki bi ji tɔkii tana a bin jaatɔ ki kpiu; ki u lir ki nyii Yennu jiantu ŋasaakak ni.

Jɔɔnn 8:6

Bi din yet nna, ki loon bin kpar Yisae, ki fit lian la u biit. Ki Yisa tibin ŋaan jii u niibir ki sɔb tiŋ ni.

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

Rom Teeb 9:7

Abraham yaaboona kur kaa mun tee u yaaboona nan mɔnii, kimaan Yennu din yet Abraham a “Aisak booru tan sii tee a yaaboonae.”

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Jɔɔnn 2:14

N waas, ya mi ti Baa Yennu na, li paake te ki n sɔbin ki teeni na. N chanbaanba, ya mi Yisa nba poŋ din yɔɔ be mɔkmɔk nan mɔkmɔk na, li paake te ki n sɔbin ki teeni na. Naasimm, ya mɔk paŋ, ki Yennu mɔmaan bia be i ni, ki i nyann Sintaanii, bonbiiuk daanɔ maŋ na, li paake te ki n sɔbin ki teeni na.