Jɔɔnn 8:33 - Yennu Gbounpaauŋ Mɔɔr

³³ Ki bi yetɔ a “Ti tee Abraham yaaboonae, ki ti ki mi ki teen sɔɔ daaba. Nlee ki a yaa a ti tan sa nyi yiar ni?”

Yennu Gbouŋ Mɔɔr

³³ Ki bi yetɔ a, “Ti tee Abraham yaaboonae, ti ki mi teen sɔɔ daaba. Nlee ki a yaa ti tan saa nyi daabisin ni?”

Jɔɔnn 8:33 ပူးပေါင်းရင်းမြစ်များ

Matiu 3:9

I daa mɔk parbifaant nan Abraham tee i yeja; n beerie, Yennu sa fit ki fiin tana nba na ki lin kpant Abraham yaaboona.

Barŋanii nba ki LUK din sɔb nae na 3:8

Yii tuun man linba sa wann nan i set nyik i biit. I daa daan i para ni nan Abraham tee i yeja. N beerie, Yennu sa fit ki fiin tana nba na ki lin kpant Abraham yaaboona.

Jɔɔnn 19:25

Ki Yisa naa din see kpia u dapunpunn na; ŋɔɔ nan u niipoo, ki bi yiu Mari wunba tee Klopas ŋaapoo, nan Mari Magdaliin, ki bi lakin see leŋ.

Jɔɔnn 8:37

N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Jɔɔnn 8:39

Ki bi jiinɔ yaa a “Ti baa tee Abrahame.” Ki Yisa betib a “Li-i tee ki i bo tee Abraham waas nan mɔniie, i bo sii tuun Abraham toonbooru nawa,

Jɔɔnn 8:43

Bee teen ki i ki bann n maan na paaki? kimaan ya kan fit gbat n maan maŋ na.

Rom Teeb 9:7

Abraham yaaboona kur kaa mun tee u yaaboona nan mɔnii, kimaan Yennu din yet Abraham a “Aisak booru tan sii tee a yaaboonae.”