Jɔɔnn 8:31 - Yennu Gbounpaauŋ Mɔɔr

³¹ Ŋanne ki Yisa yet Juu teeb nba teenɔ yada na, “Li-i tee ki i saak n mɔmaan, i set tee n poorpoweiteeb nan barmɔniie, ki i bia sa bann barmɔnii wannu,

Yennu Gbouŋ Mɔɔr

³¹ Ŋanne ki Yiisa yet Juu teeb nba teenɔ yada na a, “Li-i tee ki i saak n mɔmaan, i set tee n poorpoweiteebe,

Jɔɔnn 8:31 ပူးပေါင်းရင်းမြစ်များ

Matiu 24:13

Ŋaan wunba tan gubin nan fara yoo na joontu tan sa la tinnuwa.

Jɔɔnn 1:47

Yisa nba la Natanael ki u baat u peŋ na, ki u pak u po ki yet a “Israel niŋanɔe na, kimaan u tee niburchimɔe.”

Jɔɔnn 2:2

ŋaan mun bia yiin Yisa nan u poorpoweiteeb, a bin baar.

Jɔɔnn 6:55

Kimaan n gbanante tee jeet nan mɔnii, ki n sɔn mun tee bon-nyukar nan mɔnii;

Jɔɔnn 8:36

Li-i tee min Yennu Bija nyinti yiar nie, i set sa nyi yiar ni nan barmɔniiwa.

Toona 13:43

Ki Juu teeb bonchiann, nan boorganu bonchiann, binba din lebit bi jiantu ki waa Juu teeb jiantu na, ki bi kura ji din waa Pɔɔl nan Banabas. Ki bi piak namm ki kpaamm a “I kpaŋŋii dia nna man, kii waa Yennu ki yabir la Yennu ninbatinu.”

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 26:22

ŋaan la jii ki tan tuu dinna, ki Yennu guun, ki n ji be ki see ki mɔɔntir u maan ki teen tatimm nan paarib kura na. Ma piak linba na, ŋaan ŋann nan Moses nan Yennu sɔkiniinba nba din tuu piak linba kur na, li ki mɔk bɔkitu. Ŋamm din piak linba tan sii tee,

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

1 Timoti 2:15

Ŋaan poo-i teen Yisa yada, kii loon niib, kii tee popeendaanɔ, kii be soonna, Yennu sa tinnɔ u maaru niwa.

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

2 Timoti 3:14

Ŋaan fin ŋanin, a dia barii nba ki a tumii ki teenir yada na, kimaan a poŋ mi nan binba din tee a wannteeb na tee barmɔnii damme;

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 8:9

Li tan kii tee kaman nan mɔlor nba ki n din senn ki tur bi yejamm daar nba ki n din kub bi nii ki nyinnib Ijipt tiŋ ni na. Bi din ki teen mɔlor nba ki n din lor ki turib na yada, li paak, ki n baka din kaa bi po.

Jeems 1:25

Ŋaan wunba dukii sennŋann nba sa fit nyint niib biit daabsin ni, ŋaan ki tammir, ŋaan mɔk gbankur ki tuun biaŋinba ki li wann na, parpeenn sii tee li daanɔ yare, kimaan u tumu na paak.

1 Jɔɔnn 2:19

Masia datai maŋe nyii ti ni; ŋaan bi ki tee ti yabi. Bi-i bo-i tee ti yabie, timm nan ŋammii bo sii lakin be; ŋaan bi nyikita, ki li want nan bi kur ki tee ti yab setik nan mɔnii.

1 Jɔɔnn 2:24

Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.