Jɔɔnn 8:12 - Yennu Gbounpaauŋ Mɔɔr

¹² Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Yennu Gbouŋ Mɔɔr

¹² Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

Jɔɔnn 8:12 ပူးပေါင်းရင်းမြစ်များ

Matiu 5:14

“Yimme tee tingbouŋ na yentu; doo nba ki bi maa ki senn kunkonn paak, li kan fit bɔri.

Barŋanii nba ki LUK din sɔb nae na 2:32

U sii tee yentu ki sa fiit wann binba ki tee Israel teeb a sɔnu, ki bia sa te ki niib-n dont a niib Israel teeb.”

Jɔɔnn 12:35

Ki u jiin yetib a “Min nba tee yentu na sii be i boor waaminnee. Li paak, i somm man yentu maŋ ni, la daa be na, ki bunbɔnn kan fit lian baar i ni, kimaan wunba somm bunbɔnn ni, u ki mi wa saa siaminba po.

Jɔɔnn 12:36

Tɔn, min nba tee yentu na nba daa be na, teentin yada, ki i sii tee niib nba ki n yentu sii yentiri ni.” Yisa nba din yet nna maŋ poorpoe, ŋaan ki u nyii niib na ni, ki saan bɔr.

Jɔɔnn 12:46

N baar tingbouŋ ni na ma mii tei yentir niibe, ki daanɔ nba teenin yada, u kan biar bunbɔnn ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 3:19

Linba paak te ki Yennu bu bi buut ki biirib maŋ tee nnee: Yennu Bija din baar tingbouŋ na ni a wun yent tingbouŋ na niib nummpo, ŋaan ki nifosaarik loon bunbɔnn ki gar yentu maŋ, kimaan bi toona nba bi biaŋinba na paak,

Jɔɔnn 7:17

Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.

Jɔɔnn 9:5

Ma daa be tingbouŋ nna, n tee tingbouŋ na niib yentue.”

Toona 13:47

kimaan ti Yomdaanɔ Yennu turit mɔb a nna, kimaan li sɔb u gbouŋ ni a u din yet Yisa Masia a ‘Mine ganna a fii tee yentu, kii yentir kii teen binba ki tee Juu teebi, kii bia baat nan tinnu kii teen tingbouŋ na teeb kur.’ ”

Toona 26:23

a Yennu Niganntɔɔ Masia tan sa fabir di fara ki kpo, a ŋɔɔe bia tan sii tee sinsinn daanɔ nba tan sa fiir kuun ni, a ki li paak ki u bia tan sa mɔɔnt ki tur Juu teeb nan binba ki tee Juu teeb mun biak, ki beerib barii nba tan sii yentir bi numm po.”

2 Piita 2:17

Niib maŋ booru tee kaman nan bunbunn nba kaa nyun nee; bi tee kaman nan sayuŋ nba ki wouŋ tuu gaanɔ nee. Yennu tan sa jiib ki lub bunbɔnchiauŋ ni, mɔkmɔk nan yoo nba kaa gbennu.

2 Piita 2:4

Malakanba nba din tun toonbiit na, Yennu din ki nyik bi tubdatu. U din jii jɔrite ki lorib ŋaan jiib lu muu nba kan mi kpeen na ni; muu maŋ be bootuk nba sumii bonchiann nie, ki bia bɔn bonchiann; bi sii be nni mɔkmɔk nan daar nba ki u tan sa bu bi buut.

1 Jɔɔnn 1:6

Ki ti-i yaa a timm nan Yennu mɔk mɔtaauk nan leeb, ŋaan ki bunbɔnn be ti ni, ŋann ti fa faake ti mɔi ni, ki ti toona nee set want nan ti fa faak.

Juud 1:13

Bi tee kaman nan mɔkgbeŋŋir nyunpana nba fi ki pukir nan jakint nee. Bi bia tee kaman nan ŋmaabira nba tuu ŋabir ki lin nee; ki bunbɔnchiauŋ nba kaa gbennu be ki guub.

Juud 1:6

Nnee biak ki malakanba nba din ki dia yaak nba ki Yennu din turib na nan li sɔnu na, ki bia din ki biar be bi binbeboor sanpaapo, ki Yennu baamm bant ki lub sarik bootsunsuŋ nba bɔn ni, ki guu dagbeŋŋir nba ki u sa bu bi buut na.

Fiitu 21:24

Ki tingbouŋ na nibooru sii be li yentu ni ki somm; ki tingbouŋ na kpanbara sa kɔɔ nan bi mɔkint ki bir leŋ.