Jɔɔnn 7:39 - Yennu Gbounpaauŋ Mɔɔr

³⁹ Yisa nba din piak na, li din want Yennu Seyeeŋ poe; ki binba din tee Yisa yada na din yaa bin tan la Seyeeŋ maŋ. Li yoo na dinn, Yennu daa din ki tur niib Seyeeŋ maŋi, kimaan u daa din ki donn Yisa sanpaapo.

Yennu Gbouŋ Mɔɔr

³⁹ Yiisa nba din piak na, u din want Yennu Seyeeŋ poe; ki binba teen Yiisa yada na yaa bin tan la Seyeeŋ maŋ. Li yoo na Yennu daa din ki tur niib Seyeeŋ maŋi, kimaan u daa din ki donn Yiisa.

Jɔɔnn 7:39 ပူးပေါင်းရင်းမြစ်များ

Matiu 16:14

Ŋanne ki bi jiin a “Siab yaa a a tee Jɔɔnn wunba daan wuur niib Yennu nyunwuru nae, ki siab yaa a a tee Elaijae, ki siab yaa a a tee Jeremayae amii Yennu sɔkiniisɔɔ nba din be yaayoo niewa na.”

Matiu 21:11

Ŋanne ki nibur na jiin a “Yisa, wunba tee Yennu sɔkinii nba nyii Nasaret nba be Galilee tingbouŋ ni na.”

Barŋanii nba ki LUK din sɔb nae na 24:49

Nnara, mine yaa n tan turi n Baa Yennu Seyeeŋ nba ki u senn mɔsonn a u sa turi na. Yii daa biar kii be man Jerusalem mɔkmɔk nan yoo nba ki Yennu Seyeeŋ maŋ sa nyi sanpaapo ki sik i paak ki turi paŋ.”

Barŋanii nba ki LUK din sɔb nae na 3:16

Li yoo maŋ ki Jɔɔnn bet bi kura, “Min ŋanin wuuri nyume, ŋaan wunba cheen baat. N ki ŋan nan ki n lot u taasaaŋmii. Ŋɔɔe sa jii Yennu Seyeeŋ nan muu ki wuur i para.

Barŋanii nba ki LUK din sɔb nae na 7:16

Ki jaŋmaanii ji din soor niib kur nba be leŋ na, ki bi din dont Yennu sann ki yeen leeb a “Yennu sɔkiniijaann be ti sinsuuk ni;” ki bia yeen bi leeb a “Yennu sik a wun somm u niib.”

Jɔɔnn 1:21

Ŋanne ki bi boiɔ a “Ki a tee ŋmee? A tee Elaijaee?” Ki u jiin ki yaa a ŋɔɔ kaa. Ki bi bia boiɔ “Ki a tee sɔkinii nba nee-ee?” Ki u jiin a ŋɔɔ kaa biaki.

Jɔɔnn 1:25

Ki bi bia boi Jɔɔnn ki yaa a “Li-i tee ki a ki tee Masia, ki bia ki tee Elaija, ki bia mun ki tee sɔkinii nba na, ki li teen nlee ki a wuur niib Yennu nyunwuru?”

Jɔɔnn 12:16

Ki u poorpoweiteeb din daa ki bann linba na paak li yoo maŋi. Ŋaan Yennu nba din tan donn Yisa sanpaapo na, ŋanne ki bi ji din tiar nan linba na sɔb Yennu gbouŋ ni ki jikit saa u po na, ki bia tiar nan niib na mun set din teenɔ nnae.

Jɔɔnn 12:23

Ki Yisa betib a “Yoo nba ki Yennu sa donn nisaarik Bik na sanpaapo na baar na.

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 14:26

Ŋaan ki n Baa Yennu sa tun Sommtɔɔ i boor, n sann ni. Li Sommtɔɔe tee u Seyeeŋ na; ŋɔɔe sa wanni barii kur, ki bia sa tiari linba kur ki n poŋ beti.

Jɔɔnn 16:14

Ki jenna, u bia tan sii dont n sann kimaan u tan sii jikit n labaare ki fiitir ki wanti.

Jɔɔnn 16:7

N beeri barmɔniie, nan li ŋan i po nan ki n yaat saan, kimaan mi-i kii saani, Sommtɔɔ na kan baar i peŋi. Ŋaan mi-i taŋŋi saan, n sa tumɔ i peŋ na.

Jɔɔnn 17:1

Yisa nba din pak nna maŋ, ŋaan gokit got sanpaapo, ki yet a “N Baa, yoo maŋ baar na. Ŋaant ki min a Bija-n la dontir, ki fit lian te ki a mun-n la dontir,

Jɔɔnn 17:5

N Baa, turimin dontir a boor ni mɔtana, dontbooru nba ki n din laat, ma din be a boor ni ki a daa din ki nan dunia na.

Jɔɔnn 20:22

Li poorpoe ki u foont bi paak ŋaan yetib a “Gaat Yennu Seyeeŋ man.

Jɔɔnn 6:14

Niib maŋ nba la bakitnauŋ toonjaann nba ki Yisa tun na, ki bi yet a “Barmɔniie setik, nirɔ nee tee Yennu sɔkinii nba yaa wun tan baar tingbouŋ na ni na.”

Jɔɔnn 7:12

Ki niib bonchiann nba be leŋ na burin ki piak bonchiann ki jikit saa u po; ki siab yaa a “U tee niŋanɔe,” ki leeb yaa a “Aaii, a u kpann niib nae;”

Jɔɔnn 8:54

Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na.

Toona 19:2

ki boib a “Ya teen Yisa yada ki waau na, i mi ki la Yennu Seyeeŋii?” Ki bi jiin a “Aaii. Ti poŋ taan ki mi ki gbat a Yennu Seyeeŋ be kaawa gbaa.”

Toona 2:17

‘Yennu yet a: Dunia joontu yoo n tan sa tun nnee: n tan sii sikint n Seek sɔɔ kur paak, ki i bonjabis nan i sapaanbis tan sii sɔkint n maan, ki i naasimm mun tan sii laat yerintu, ki i jakpera tan sii damii damiit.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

2 Korint teeb 3:8

i mi a nlee ki Seyeeŋ sɔnu kii be nan yentsaakar ki gariri?

Efesus teeb 4:30

I daa te ki Seyeeŋ nba tee Yennu yent dɔk i paak na-n la parbiiri. Ŋɔɔe tee dɔk nba want nan Daar baat na ki Yennu tan sa turi yentinmɔŋ nan barmɔnii.