Jɔɔnn 7:31 - Yennu Gbounpaauŋ Mɔɔr

³¹ Ki nibur na ni niib bonchiann din teenɔ yada, ki boi bi leeb a “Yennu Niganntɔɔ Masia na-i taŋŋi baar, u sii tuun toonjaana bonchiann ki gar jɔɔ na yaraa?”

Yennu Gbouŋ Mɔɔr

³¹ Nibur na ni bonchiann din teenɔ yada, ki boi bi leeb a, “Yennu Niganntɔɔ Masia na-i taŋi baar, u saa tun toonjaana ki lin gar jɔɔ na yara-a?”

Jɔɔnn 7:31 ပူးပေါင်းရင်းမြစ်များ

Matiu 12:23

Ki li yaar ŋaan lit niib kur na bonchiann, ki bi boi bi leeb Yisa po a “Jɔɔ nee nɔk tee David yaaboonn na-aa?”

Barŋanii nba ki LUK din sɔb nae na 8:13

Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Jɔɔnn 11:45

Ki Juu teeb bonchiann nba din baar a bin maan Mari par na, ki ba la linba ki Yisa tun, ki bi teenɔ yada.

Jɔɔnn 12:11

Li din tee Lasarus kuun fiiru paake ki Juu teeb bonchiann din nyik Yennu jiantu yudamm maŋ, ŋaan teen Yisae yada ki waau.

Jɔɔnn 12:42

Tɔn, Juu teeb yudamm bonchiann gbaa din teen Yisa yada, ŋaan bi ki nyinn bi mɔŋ paanu ni a bi teenɔ yada, kimaan bi tiin jaŋmaanii a Farisiinba nee sa nyinnib bi Yenjiantu ni.

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 4:29

“I baar man, ki tan got jɔɔ nba betin bonsiar kur nba ki n poŋ mi tun. I dukii nan ŋɔɔe tee Yennu Niganntɔɔ Masia-aa?”

Jɔɔnn 4:39

Ŋanne ki Samaria doo maŋ ni niib bonchiann gbat poo na nba beerib yaa a “Yisa betin bonsiar kur nba ki n poŋ mi ki tun,” ki bi teen Yisa yada,

Jɔɔnn 6:2

Ki niburchiauŋ din waa u poor po, kimaan bi din la u bakitnauŋ toonjaana nba ki u din tuun ki te ki baatib paak na.

Jɔɔnn 7:26

Gotir, u ki yeen ki bɔrii niib ni, ki sɔɔ mun bia ki pak siar a wun tiau. Li pasiar ti yudamm dukii a u tee Yennu Niganntɔɔ Masia na.

Jɔɔnn 9:16

Ki Farisiinba siab yet a “Yisa ki nyii Yennu boor ni kaa, kimaan u tuun toonn foon daar. Ŋannii want nan u ki dia foon daar sennu.” Ki bi siab mun boi a “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

Toona 8:13

Simon mɔŋ mun din teen Filip maan yada, ki u wurɔ. Ki u teen Filip weinanlɔɔ, ki laat bakitnauŋ toonjaana nba ki u tuun na, ki li tuu yaar ŋaan litɔ.

Jeems 2:26

Li paak, gbanant nba kaa seek, li tee gbanankpeeuŋo, yada-i munii be ki toonŋana kaa, li mun tee yadakpeeuŋo.