Jɔɔnn 7:30 - Yennu Gbounpaauŋ Mɔɔr

³⁰ Ŋanne ki bi din yabii a bin soorɔ, ŋaan ki sɔɔ ki soorɔ, kimaan u sooru yoo daa din ki baari.

Yennu Gbouŋ Mɔɔr

³⁰ Ŋanne ki bi ji yiab a bin soorɔ, ŋaan bi sɔɔ ki soorɔ, kimaan u sooru yoo daa din ki baari.

Jɔɔnn 7:30 ပူးပေါင်းရင်းမြစ်များ

Matiu 12:14

Ŋaan ki Farisiinba na nyii nanyer po, ki lor lor soor nan leeb ba sa teen biaŋinba ki kpi Yisa.

Matiu 21:46

Ki bi ji din loon bin soorɔe, ŋaan tiin niburchiauŋ na jaŋmaanii, kimaan sɔɔ kur din teen yada nan u set tee Yennu sɔkiniie.

Barŋanii nba ki MAK din sɔb nae na 11:18

Ki Yennu jiantu yudamm nan sennu wannteeb gbat wa tun biaŋinba na; ki bi ji loon sɔnu nba ki bi sa kpiu, ŋaan daa tiinɔ jaŋmaanii, kimaan u wannu din teen nibur na kura yaarlituk bonchiann.

Barŋanii nba ki LUK din sɔb nae na 20:19

Ki sennu wannteeb nan Yennu jiantu yudamm bann nan Yisa nba yin barjouk na li saan gaan bi paake; li paak, ki bi ji din koor a bin soorɔ li tonton na, ŋaan tiin niib na jaŋmaanii.

Barŋanii nba ki LUK din sɔb nae na 22:53

N poŋ tuu yɔɔ be nani daar kur Yennu jiantu ŋasaakak ni, ŋaan ki i ki somi. Tɔn, ŋaan yoo na lek tee i yare, nan bunbɔnn paŋ daanɔ yar.”

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 10:39

Ŋanne ki Juu teeb na tan yaa bin soorɔ; ki u buut nyii,

Jɔɔnn 11:57

Ki Yennu jiantu yudamm nan Farisiinba na tur mɔb a “Wunba mi u boor, wun baar ki tan ŋmaa ti taar ki tin soorɔ.”

Jɔɔnn 7:19

“Li ki tee Moses kaa din turi ti sennu-uu? Ŋaan i sɔɔ ki dia li sennu maŋi. Ki bee ki i loon ki i kpimi?”

Jɔɔnn 7:32

Ki Farisiinba din gbat niib nba burin burin piak nna maŋ Yisa po na, ki ŋamm nan Yennu jiantu yudamm din tun Yennu jiantu ŋasaakak lanjimanba a bin saan ki saa soor Yisa.

Jɔɔnn 7:6

Ki Yisa jiimm a “Li daa ki baar nan yoo nba ki n sa saani. Yimm ŋarin, li ki bi nan ki i saani,

Jɔɔnn 7:8

Tɔn, yimm-ii saa jaamm maŋ, ŋaan min ŋarin daa ki saa, kimaan n sinsaan yoo daa ki baari.”

Jɔɔnn 8:20

Yisa din pak maan na yoo nba ki u din want niib; ki bi din be Yennu jiantu ŋasaakak ni siaminba ki bi sent Yennu piinii likirii lakir na; ŋaan sɔɔ ki soorɔ, kimaan u sooru yoo daa ki baari.

Jɔɔnn 8:37

N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Jɔɔnn 8:59

Ŋanne ki bi ji tɔkii tana a bin jaatɔ ki kpiu; ki u lir ki nyii Yennu jiantu ŋasaakak ni.

Jɔɔnn 9:4

Yoo nba ki yentu daa be na, li kpaa talase ki tii tuun wunba tumin na toona na, kimaan nyiɔk baat, yoo nba ki sɔɔ kan fit tun toonni.