Jɔɔnn 7:28 - Yennu Gbounpaauŋ Mɔɔr

²⁸ Yisa nba want niib wannu na Yennu jiantu ŋasaakak ni na, ki u tan pak sanpaapo ki yetib a “I dukii nan i min bonŋann, ki bia dukii a i mi ma nyii sian. N ki baar n mɔŋ baaru kaa. Daanɔ nba tumin na, ŋɔɔe mɔk barmɔnii kur; ki i ki miu.

Yennu Gbouŋ Mɔɔr

²⁸ Yiisa nba want niib Yenjiantu ŋasaakak ni na, ki u tan pak sanpaapo a, “I dukii nan i min bonŋann, ki bia dukii a i mi maa nyii sian. N ki baar n mɔŋ baaru kaa. Daanɔ nba tumin na, ŋɔɔe tee barmɔnii; ki i ki miu.

Jɔɔnn 7:28 ပူးပေါင်းရင်းမြစ်များ

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 2:23

Ki u din saan ki saa kar doo nba ki bi yi Nasaret na ni, a lin teen gbeen maan nba ki Yennu sɔkiniinba nba din sɔb linba na a “Bi tan sii yiu Nasaret nirɔe.”

Matiu 26:55

Ŋanne ki u boi niburchiauŋ na “I baar nan jukii nan gbajara a i tan soorin kaman nan n tee fatitɔɔe na-aa? N daan tuu be Yennu jiantu ŋasaakak ni daar kura ki want niib Yennu maan, ŋaan ki i tuu ki somi.

Barŋanii nba ki LUK din sɔb nae na 10:22

Ki Yisa ŋamm yet a “N Baa Yennue wannin barii na kura; ki sɔɔ ki mi ma tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 2:39

Ki Josef nan Mari nba din tun gbenn bi Yomdaanɔ Yennu sennu nba senn biaŋinba na, li yoo ki bi ŋmat kun Nasaret nba be Galilee tiŋ ni.

Barŋanii nba ki LUK din sɔb nae na 2:4

ki Josef mun din nyii Nasaret nba be Galilee tingbouŋ ni, ki saan Judea tingbouŋ ni, ki kun kpanbar David doo ni, ki bi yi doo maŋ Betlehem; kimaan u din tee David yaaboonne.

Barŋanii nba ki LUK din sɔb nae na 2:51

Ŋanne ki bi din ŋmat nan Yisa ki sik Nasaret, ki u din saak bi mɔb. Ki u naa din tian linba teen na kur u par ni.

Jɔɔnn 1:46

Ki Natanael yetɔ a “Nasaretii? Bonŋann sa fit nyi Nasaretaa?” Ki Filip betɔ “A mɔŋ mɔŋ mun-n baar ki tan got.”

Jɔɔnn 10:36

Ŋaan min ŋarin, n Baa Yennue gannin ki tumin tingbouŋ na ni; ki ma yet yaa a n tee Yennu Bija na, nlee ki i yaa a li tee bonbilankanti?

Jɔɔnn 12:49

Ki bia jenna, maan nba ki n pak na, li ki tee n tiauŋ maan kaa, ŋaan ma pak linba maŋ, li tee n Baa Yennu wunba tumin nee betin a mii want.

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 14:31

N loon tingbouŋ na teeb-n bann nan n loon n Baa Yennu nan mɔnii; li paake teen ki n tuu tuun linba ki u tuu betin a n tun. “Ŋaant man ki tin fiir ki yaat.”

Jɔɔnn 16:3

Bi tan sa tun linba na ki turiiwa, kimaan bi ki mimi, ki bia ki mi n Baa.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 3:33

Ki bia jenna, ki wunba gaar u maan maŋ, li want nan ŋɔɔe saak nan Yennu maan maŋ tee barmɔnii.

Jɔɔnn 5:32

Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.

Jɔɔnn 5:43

N baar nan n Baa Yennu yent nie, ŋaan ki i ki gaarimi. Ŋaan li-i tee ki sɔɔ baar nan u mɔŋ yent ni, i tuu gaarɔe.

Jɔɔnn 6:42

Ki bi boi leeb a “U ki tee Yisa wunba tee Josef bija na kaa na-aa? Ti mi u baa nan u naa. Nlee ki u yaa a u nyii Yendɔuŋ ni?”

Jɔɔnn 7:14

Ki jaamm na yoo sinsuuk ni, ki Yisa saan kɔɔ Yennu jiantu ŋasaakak ni, ki piin ki want niib Yennu maan.

Jɔɔnn 8:14

Ki Yisa jiin betib, “Mi-i lekii piak ki want n mɔŋ poie, ŋaan ma yet linba, li tee mɔniie, kimaan min mi ma nyii siaminba, ki bia mi ma saa siaminba. Yimm ŋarin ki mi ma nyii siami. I bia ki mi ma saa siami.

Jɔɔnn 8:16

Mi-i poŋii yaa n bu nirɔ buutie gbaa, n sa bu u buut nan barmɔniie, kimaan n ki bu buut n kuukɔɔ kaa, ŋaan n Baa nba tumin nee be nanin.

Jɔɔnn 8:19

Ki bi boiɔ a “A Baa maŋ be lee?” Ki Yisa pak jiimm a “I ki mimi, ki tan boi n Baa. I-i bo-i mimie, i mun bia bo sii mi n Baawa.”

Jɔɔnn 8:26

N bo sii fit piak maan bonchiann ki biiri; ŋaan wunba tumin nae tee barmɔnii daanɔ; ki n piak beer tingbouŋ na niib linba ki n gbia u boor nae.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Jɔɔnn 9:29

Ti mi nan Yennu din piak nan Moses, ŋaan nirɔ na ŋarin, ti ki mi wa nyii siami.”

Toona 17:23

ki ma kak ki lin i doo na, n got i pata, ki bia la binbintir ki li sɔb li paak a ‘Yennu nba ki ti ki miu.’ N loon ki n wanni wunba ki i pukii ki teenɔ ŋaan ki miu na.

Rom Teeb 1:28

Nifosaarii nba din ki loon ki bin bann Yennu, li paake ki Yennu nyikib nan bi dudukbiit, ki bi tuun toona nba bi bonchiann.

Rom Teeb 3:4

Aaii, li ki want nna kaa. Niib kur-i bo-i tee fai damm, ŋaan Yennu ŋanin tee barmɔnpakirɔɔe. Li waa nan la sɔb Yennu gbouŋ ni biaŋinba nee a “Niib-i bu fin Yennu buut, bi sa la ki a mɔk mɔnii, ki bia di mɔniie.”

2 Korint teeb 1:18

Ŋaan Yennu nba tee barmɔnii daanɔ na paak, n mɔsonn nba ki n daan turi na daan ki tee “Nn” nan “Aaii” kaa.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Taitus 1:2

N mɔk dindann nan n sii mɔk manfoor nba kaa gbennu. Yennu nba ki mi fa faak na din senn mɔsonn yaayoo niwa a u sa turit manfoor maŋ,

Hiibru teeb 6:18

Li paak, bona ŋannlee nba kaa lebitu na be ki wann nan Yennu set sa gbeen u mɔsonn maŋ. Li paak, timm nba chiar saan u boor ni ki tinn na mɔk parcheenn ki gaar dindann nba be ti tɔɔnn po na chib.

1 Jɔɔnn 5:10

Wunba teen Yennu Bija maŋ yada, ŋɔɔe mɔk Yennu siara maŋ u par ni; ki wunba ki teen u siara maŋ yada, u teenɔ faak daanɔe na, kimaan u ki teen yada nan siara nba ki Yennu teen u Bija po na, a li tee mɔnii.