Jɔɔnn 7:18 - Yennu Gbounpaauŋ Mɔɔr

¹⁸ Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Yennu Gbouŋ Mɔɔr

¹⁸ Daanɔ nba piak u mɔŋ yar, ŋɔɔ loon baakir ki teen u mɔŋe. Ŋaan wunba loon niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Jɔɔnn 7:18 ပူးပေါင်းရင်းမြစ်များ

Matiu 6:9

Ya tuu sii mei Yennu biaŋinbae na: ‘Ti Baa Yennu nba be sanpaapo, ŋaant ki bii baakit a sann;

Jɔɔnn 11:4

Yisa nba gbat nna yoonba ki u yet u poorpoweiteeb na a “Lasarus nba yiar na, yiaru maŋ ki tee u manfoor terik kaa na, ŋaan li tee linba ki niib sa dont Yennu sann li paake, ki bia sa dont min Yennu Bija sann mun biak.”

Jɔɔnn 12:28

ŋaan miar Yennu a “N Baa, ŋaant ki a sann-n la dontir.” Ŋanne ki kunkɔr pak sanpaapo a “N sann poŋ la dontira, ki bia sa ŋamm la dontir ki pukin.”

Jɔɔnn 12:43

Linba na wann nan Juu teeb yudamm maŋ din loon niib-n pakibe, ki gar Yennu-n pakib.

Jɔɔnn 5:41

“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare.

Jɔɔnn 8:54

Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na.

1 Tesalonika teeb 2:6

Ti din ki loon i sɔɔ-n pakiti, amii nisɔɔ.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.