Jɔɔnn 7:16 - Yennu Gbounpaauŋ Mɔɔr

¹⁶ Ki Yisa yetib a “Ma want wannu nba na, li ki tee n mɔŋ mɔŋ wannu kaa, ŋaan li nyii Yennu nba tumin na boore.

Yennu Gbouŋ Mɔɔr

¹⁶ Ki Yiisa yetib a, “Maa want wannu nba na, li ki tee n mɔŋ wannu kaa, ŋaan li nyii Yennu nba tumin na boore.

Jɔɔnn 7:16 ပူးပေါင်းရင်းမြစ်များ

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 14:24

Ki jenna, daanɔ nba ki loonimi, u ki saak n maami, ki ya gbat maan nba na, li ki tee n yar kaa, ŋaan li tee n Baa Yennu nba tumin na yare.

Jɔɔnn 17:14

“N pak a maan na turiba. Li paak ki tingbouŋ na ŋaateeb namm, kimaan bi ki tee tingbouŋ na ni yabi, kaman nan ma mun ki tee tingbouŋ na ni ŋaayɔɔ na.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 3:11

Barmɔniie ki n yaa n beta, ti beeri linba ki ti mi, nan ta bia la linbae, ŋaan ki i ki gaan ti maami.

Jɔɔnn 3:31

Wunba nyii sanpaapo, ŋɔɔe chee sɔɔ kura; ŋaan binba nyii tingbouŋ na ni, ŋamm tee tingbouŋ na teebe, ki bia piak nisaarii maan. Wunba nyii Yendɔuŋ ni, ŋɔɔe chee sɔɔ kur,

Jɔɔnn 5:30

“N kan fit tun siar nan n mɔŋi. Mi-i bu nirɔ buut biaŋinba, Yennue tuu betin ma n bu. Li paak teen ki n buut ŋan, kimaan n ki loon ki n tun n mɔŋ yanbɔɔtoona kaa, ŋaan n tuun Yennu nba tumin na yanbɔɔtoonae.

Jɔɔnn 6:44

Sɔɔ kan fit ki baar n boor ni ki teen n yɔɔ, ki li ki tee ki n Baa Yennu nba tumin na kaa te ki u baari, ki n tan sa fiin li daanɔ kuun ni dunia gbennu daar.

Jɔɔnn 8:28

Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.

Fiitu 1:1

Maan nba ki Yisa Masia din fiit na sɔb gbouŋ na nie. Yennu din turɔ maan maŋ a wun wann u toontunna linba sa teen mɔtana. Masia din tun u malaka u toontunnɔ Jɔɔnn boor ni, a wun betɔ maan maŋ kur.