Jɔɔnn 7:1 - Yennu Gbounpaauŋ Mɔɔr

¹ Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Yennu Gbouŋ Mɔɔr

¹ Li poorpoe ki Yiisa ji din be Galilii yent ni, ki lin leŋ digbana. U din ki loon wuu be Judea yent ni, kimaan Juu teeb yudamm nba be leŋ na loon bin kpiue.

Jɔɔnn 7:1 ပူးပေါင်းရင်းမြစ်များ

Matiu 10:23

Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.

Matiu 21:38

Ŋaan toontunna na nba din tun ninbinn ki la u bija na ki u baat na, ki bi bet leeb a ‘U fadiirɔe na; ŋaant tin kpiu man, ŋaan ki faar na-n kpant ti yar.’

Barŋanii nba ki MAK din sɔb nae na 11:18

Ki Yennu jiantu yudamm nan sennu wannteeb gbat wa tun biaŋinba na; ki bi ji loon sɔnu nba ki bi sa kpiu, ŋaan daa tiinɔ jaŋmaanii, kimaan u wannu din teen nibur na kura yaarlituk bonchiann.

Jɔɔnn 1:19

Tɔn, ki Juu teeb yudamm nba din be Jerusalem na tun Yennu jiantu yudamm nan Liifai teeb Jɔɔnn maŋ boor, a bin boiɔ a “A tee ŋmee?”

Jɔɔnn 4:3

Yisa nba bann nan Farisiinba na gbat biaŋinba maŋ na, ki u nyii Judea tiŋ ni ki ŋmat saa Galilee tiŋ ni.

Jɔɔnn 4:54

Yisa nba din tun toonjaann maŋ na, li din tee toonjaann nba pukin ŋannlee ki u tun yoo nba ki u nyii Judea tiŋ ni ki baar Galilee tiŋ ni nee.

Jɔɔnn 6:1

Li poorpo ki Yisa ŋmat poot Galilee mɔkgbeŋŋir nba ki bi bia yi Taiberias mɔkgbeŋŋir na pootir.

Jɔɔnn 7:11

Ki Juu teeb yudamm din lin ki loonɔ jaamm maŋ ni, ki boi niib a “U be lee?”

Jɔɔnn 7:13

ŋaan sɔɔ din ki pak u po peee peee ni, kimaan bi tiin Juu teeb yudamm jaŋmaaniie.

Jɔɔnn 7:19

“Li ki tee Moses kaa din turi ti sennu-uu? Ŋaan i sɔɔ ki dia li sennu maŋi. Ki bee ki i loon ki i kpimi?”

Jɔɔnn 7:25

Ŋanne ki Jerusalem nisiab boi bi leeb a “Nirɔ nba nee ki bi yabii a bin kpiu na-aa?

Jɔɔnn 7:35

Ki Juu teeb na boi bi leeb a “U yaa wun tan saan lee, ki ti kan lau? U yaa wun tan saan Griik doi ni siaminba ki Juu teeb be na, kii sii want Griik teeb na amii?

Jɔɔnn 8:37

N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Jɔɔnn 8:40

ŋaan ki mɔtana ki i yabii a i kpin, nan ma tee nirɔ nba beeri barmɔnii nba ki n gbat Yennu peŋ na. Abraham ŋarin din ki teen nna.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.