Jɔɔnn 6:70 - Yennu Gbounpaauŋ Mɔɔr

⁷⁰ Ki Yisa yetib, “Yimm jab piik nan bannlee na, mine ganni, ŋaan ki i ni yenɔ tee Sintaanii yɔɔ.”

Yennu Gbouŋ Mɔɔr

⁷⁰ Ki Yiisa yetib a, “Yimm jab piik nan banlee na, mine ganni, ŋaan ki i ni yenɔ tee Sintaanii yɔɔ.”

Jɔɔnn 6:70 ပူးပေါင်းရင်းမြစ်များ

Jɔɔnn 13:18

“N ki piak i kura po kaa. N mi yimm nba ki n ganni na para ni. Li sɔb Yennu gbouŋ ni a ‘Daanɔ nba ki min nan ŋɔɔ lakin di na, ŋɔɔe yaa wun nyi n poor.’ See ki sɔbu na fabir teen mɔnii ki gbeen.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Jɔɔnn 13:21

Yisa nba din yet nna poorpoe, ki parbiir baarɔ bonchiann; ki u betib a “Barmɔniie ki n beeri na, i ni yenɔ yaa wun nyi n poore.”

Jɔɔnn 13:27

Judas nba din gaar boroboro maŋ yoonba na, ki Sintaanii kɔɔ u ni. Ki Yisa ji betɔ, “Teent fa yaa a teen linba yian yian.”

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:19

Li-i bo-i tee ki i tee tingbouŋ na ŋaaniibie, tingbouŋ na ŋaateeb bo sii looni kaman nan ba loon bi mɔŋ niib biaŋinba nee. Ŋaan n ganni ki nyinni tingbouŋ na niib niwa, ki i ji ki tee tingbouŋ na ŋaateeb yabi; li paake teen ki bi nami.

Jɔɔnn 17:12

Ma daa be namm na, n diab fanu nan a sann nba ki a din purin na ni. N baak bi paak, ki bi ni sɔɔ ki teen yanni, see wunba tee Sintaanii yɔɔ na. Wa teen yann na, li tee kaman nan la sɔb Yennu gbouŋ ni biaŋinbae.

Jɔɔnn 2:2

ŋaan mun bia yiin Yisa nan u poorpoweiteeb, a bin baar.

Jɔɔnn 20:24

Ŋaan u poorpoweitɔyenɔ Tomas, wunba ki bi din yiu Jaak na, ŋɔɔ din kaa yoo nba ki Yisa baar bi ni na.

Jɔɔnn 6:64

Ŋaan i siab lek ki teenin yada.” Yisa din pakib linba na, kimaan u poŋ mi sinsinn binba tan kan teenɔ yada, nan wunba mun tan sa nyi u poor.

Jɔɔnn 6:67

Ŋanne ki u din boi u poorpoweiteeb piik nan bannlee nba na, “Ki i mun sa nyikimaa?”

Jɔɔnn 6:71

U din yeen Judas wunba tee Simon Iskariot bik na poe; ŋɔɔe din tee u poorpoweiteeb piik nan bannlee na ni yenɔ, ŋaan ki u lek yaa wun nyi u poor.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Toona 1:17

Ŋaan Yisa din gann timm nan ŋɔɔe a tii tuun Yennu toonn nba ki ti tuun na, ki u din tee ti kann ni niyenɔ.

Toona 13:10

ki tan yetɔ a “Fin, nibiiuk daanɔ nba gbee nan kpinkpannii na! Fine tee Sintaanii bik, ki bia tee toonŋana kur dataak. Fin ŋarin, yoo kur a jikit Yennu barmɔnii ki kpintir faake.

1 Timoti 3:11

Li kpaa talas ki bi poob-ii munii mɔk binbenŋaŋ, ŋaan daa tee sanjanjanna. Li kpaa talas ki bii tee subindamm kii tuun bi toona kur fanu.

Taitus 2:3

A bia kpaan poosaakab ki bii tee popeendamm. Bi daa tee sanjanjanna, ki daa nyu daan ki yibi. Li kpaa talas ki bii want linba ŋan,

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Ŋaan ki Yennu Bija Yisa sik baar a wun biir Sintaanii toona.