Jɔɔnn 6:62 - Yennu Gbounpaauŋ Mɔɔr

⁶² Li-i tee ki i sa la min nisaarik Bik do Yendɔuŋ ni siaminba ki n din tuu be na, i ji sii dukii nlee?

Yennu Gbouŋ Mɔɔr

⁶² Li-i tee ki i la min Nisaarik Bik do Yendɔuŋ ni siaminba ki n din tuu be na, i ji sii dukii nlee?

Jɔɔnn 6:62 ပူးပေါင်းရင်းမြစ်များ

Matiu 8:20

Ki Yisa yetɔ a “Lunlona mɔk fɔrii, ki nɔɔnii mun bia mɔk tiat, ŋaan min nisaarik Bik ki mɔk dundɔɔnboori.”

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Barŋanii nba ki LUK din sɔb nae na 24:51

Wa senn mɔsonŋann na yoonba na, ki u yaat ki nyikib ŋaan doo Yendɔuŋ ni.

Jɔɔnn 16:28

N din nyii n Baa maŋ peŋe ki sik tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 3:13

Sɔɔ kaa ki doo Yendɔuŋ ni see min nisaarik Bik nba nyii Yendɔuŋ ni na.”

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Jɔɔnn 6:42

Ki bi boi leeb a “U ki tee Yisa wunba tee Josef bija na kaa na-aa? Ti mi u baa nan u naa. Nlee ki u yaa a u nyii Yendɔuŋ ni?”

Jɔɔnn 6:53

Ki Yisa betib, “Barmɔniie ki n beeri na, see ki i ŋman min nisaarik Bik gbanant, ki bia nyuu n sɔn. Nnee kaa, i kii mɔk manfoor maŋ i ni.

Toona 1:9

Wa pak maan maŋ ki gbenn yoonba, ki bi la ki Yennu te ki u do sanpaapo, ki bi goriiɔ, ki sanpagbann saa dɔkin u paak ki u bot, ki bi ji ki lau.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.