Jɔɔnn 5:44 - Yennu Gbounpaauŋ Mɔɔr

⁴⁴ I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Yennu Gbouŋ Mɔɔr

⁴⁴ I loon ki yii laat dontir i leeb boor, ŋaan ki fiin nan ki i la dontir ŋɔɔ Yennu nba tee Yen-yemmir na boori. Li paak mune te ki i set kan fit teenin yada.

Jɔɔnn 5:44 ပူးပေါင်းရင်းမြစ်များ

Matiu 23:5

Linba kur ki bi tuun na, bi tuun a niib-n la ki pakibe. Gotir ba jii Yennu sennu waaminna nba sɔb gbanbis paak na ki lor lor bi gbanant paak ki li gbeŋ gbeŋ biaŋinba; bia gotir bi liatbaant mɔgbana nba fɔk fɔk ki yarin yarin biaŋinba.

Barŋanii nba ki LUK din sɔb nae na 19:17

Ki u yomdaanɔ yetɔ a ‘N faan, a tee daabiŋanɔe. Fa dia bonmintik fanu biaŋinba na, li paak, n sa tura doi piik yudant.’

Jɔɔnn 12:43

Linba na wann nan Juu teeb yudamm maŋ din loon niib-n pakibe, ki gar Yennu-n pakib.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 3:20

kimaan daanɔ nba kur tuun toonbiit, u nân yentu maŋe, ki ki loon wuu nakiiɔ, kimaan u ki loon nan u toonbiit na-n tan nyi paanu.

Jɔɔnn 5:41

“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare.

Jɔɔnn 8:43

Bee teen ki i ki bann n maan na paaki? kimaan ya kan fit gbat n maan maŋ na.

Rom Teeb 2:10

ŋaan Yennu sa jii paku nan nyɔɔt nan parmaasir ki tur binba kur tuun toonŋana na; Juu teebe sa gaar sinsinn, ki binba ki tee Juu teeb na-n joont;

Rom Teeb 2:29

Juu nirɔ nan barmɔnii tee wunba tee Juu nirɔ u par nie. Potu nan mɔnii mun tee par nie, ki li potu tee Yennu Seyeeŋ tumu; li ki tee gbanant paanu ni kaa. Li daanɔ laat paku Yennu boore, li ki tee nisaarik boori.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.

2 Korint teeb 10:18

Kimaan nisɔɔ nba piak u mɔŋ, li ki want nan Yennu numm gboou kaa; ti Yomdaanɔ-i piak wunba, ŋanne want nan Yennu numm gboou.

Filipi teeb 2:3

I daa tuun bonsiar ki li nyi i funfunn nan i karinbaanii loomm ni, ŋaan yii be soonna nan i leeb man, kii dukii i leeb po ki gar ya dukii i mɔŋ po biaŋinba.

1 Tesalonika teeb 2:6

Ti din ki loon i sɔɔ-n pakiti, amii nisɔɔ.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Jeems 2:1

N naa waas, ya teen ti Yomdaanɔ Yisa Masia wunba tee paŋ daanɔ na yada biaŋinba, i daa mɔk ningannii.

1 Piita 1:7

Fara maŋ bikii-i a lin laan i teen Masia yada fanu amii-ii? Li tee kaman nan ba tuu jii sarima ki teen muu ni a bin la li biaŋ nee. I yada teenu ŋan ki tur Yennu ki gar sarima gbaa. I yada teenu-i ŋan, ŋanne sa te ki yin la paku nan dontir nan nibaakir yoo nba ki Yisa Masia tan sa nyi paanu.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.