Jɔɔnn 5:42 - Yennu Gbounpaauŋ Mɔɔr

⁴² N poŋ mi nan i ki loon Yennu i yan ni fabaa.

Yennu Gbouŋ Mɔɔr

⁴² N poŋ mi nan i ki loon Yennu i yan ni faba.

Jɔɔnn 5:42 ပူးပေါင်းရင်းမြစ်များ

Barŋanii nba ki LUK din sɔb nae na 16:15

Ki Yisa yetib a “Yimm nba na want i mɔŋ nan i tee niburchimme, ŋaan Yennu mi i para ni. Linba ki nirɔ dukii nan li tee bonjaanne ŋaan li nubire Yennu boor.

Jɔɔnn 2:25

U din mi niib dudukit bonŋann. Li paak u din ki loon sɔɔ-n wannɔ nifosaarik binbeŋ po.

Jɔɔnn 21:17

Ki taar munntaa ni biak ki Yisa boiɔ “Simon, wunba tee Jɔɔnn bik, a loonimii?” Ki Piita par ni ji biir, kimaan Yisa nba boiɔ taar munntaa ni a “A loonimii?” na. Ki u yetɔ a “N Yomdaanɔ, a mi bonsiar kur. A mi nan n loona.” Ki Yisa betɔ “I dint n pei.

Jɔɔnn 5:41

“N baka kaa nan ki n tun ki maŋ nirɔ par kaa, ŋaan n tuun ki maŋŋit Yennu pare.

Jɔɔnn 5:43

N baar nan n Baa Yennu yent nie, ŋaan ki i ki gaarimi. Ŋaan li-i tee ki sɔɔ baar nan u mɔŋ yent ni, i tuu gaarɔe.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Jɔɔnn 8:47

Wunba nyii Yennu peŋ, ŋɔɔe gbia Yennu maan; ŋaan ya ki nyii Yennu peŋ na, li paake te ki i ki gbia Yennu maan maŋi.”

Jɔɔnn 8:55

I ki miu, ŋaan min ŋarin miu. Li-i bo-i tee ki n yaa a n ki miu, n bo sa teen faak daanɔ kaman nan yimm nawa. Ŋaan n miu, ki bia saak u maan.

Rom Teeb 8:7

Fi-i jii a yan ki gaan nisaarik loomm ni, a tee Yennu dataake, ki ki saak Yennu sennu, ki set kan fit ki sakiri.

1 Jɔɔnn 2:15

I daa loon tingbouŋ na ŋaateeb sɔnu. I bia daa loon tingbouŋ na bona. Li-i tee ki daansɔɔ nba loon tingbouŋ na ŋaateeb sɔnii, u ki loon ti Baa Yennu.

1 Jɔɔnn 3:17

Daanɔ nba mɔk linba jaŋitɔ, ŋaan la ki u naa bik kɔŋ siar, ki u baka kaa u ni, Yennu loomm kaa daanɔ maŋ ni.

1 Jɔɔnn 4:20

Daanɔ nba yaa a u loon Yennu, ŋaan bia nân u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ nan u ninbina?

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.