Jɔɔnn 5:37 - Yennu Gbounpaauŋ Mɔɔr

³⁷ “Ki bia jenna, n Baa Yennu nba tumin na mun tee siara n po. I lek ki mi gbat u kunkɔri, ki bia ki mi lau nan i ninbina.

Yennu Gbouŋ Mɔɔr

³⁷ “Ki bia jenna, n Baa Yennu nba tumin nae mun tee n siara. I ki mi gbat u kunkɔri, ki bia ki mi lau nan i ninbina.

Jɔɔnn 5:37 ပူးပေါင်းရင်းမြစ်များ

Matiu 17:5

Ki Piita mɔb daa ki baa tiŋi, ki sanpagbanpeeuŋ sik bakin bi paak; ki bi gbat kunkɔsiar nyii sanpagbann na ni, ki yet a “N Bilonkakii na, wunba ki n numm gboou na, gbiintir u mɔb man.”

Matiu 3:17

Ki kunkɔr nyii sanpaapo ki yet a “N Bilonkakii na, ŋɔɔe ki n numm gboou.”

Barŋanii nba ki MAK din sɔb nae na 1:11

ki u gbat kunkɔr sanpaapo na, ki kunkɔr na yet a “Fine tee n Bilonkak; fine ki n numm gboo.”

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ kur ni na paak, ki piin Moses sɔbu ni nan sɔkiniinba sɔbu kura ni.

Barŋanii nba ki LUK din sɔb nae na 3:22

ki Yennu Seyeeŋ sik u paak nan gbanant nba naan nan ŋmann na, ki kunkɔr nyii sanpaapo ki yet a “Fine tee n Bilonkak; fine ki n numm gboo.”

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 14:9

Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi?

Jɔɔnn 15:24

Mi-i bo-i kii tuun toonjaana nba ki sɔɔ daa ki mi tun na bi boor ni, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Jɔɔnn 5:32

Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Jɔɔnn 8:18

N piak want n mɔŋ po, ki n Baa wunba tumin na mun bia piak want n po nnee.”

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

1 Jɔɔnn 4:12

Sɔɔ kaa ki mi la Yennu nan u ninbina, ŋaan ti-i loon ti leebie, Yennu sii yɔɔ be ti ni, ki ti sii mɔk loomm nba ki u teent na nan barmɔniie.

1 Jɔɔnn 4:20

Daanɔ nba yaa a u loon Yennu, ŋaan bia nân u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ nan u ninbina?

1 Jɔɔnn 5:9

Nnee ki Yennu teen siara u Bija Yisa po, ki u siara maŋ chee nirɔ yar. Ti-i tee nirɔ siara yadaie, ŋann nna ti sii tee Yennu siarae yada ki gar nirɔ yar.