Jɔɔnn 5:36 - Yennu Gbounpaauŋ Mɔɔr

³⁶ “Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Yennu Gbouŋ Mɔɔr

³⁶ “Bakitnauŋ toonjaana nba ki n tuun na, ŋanne want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki toona maŋ tee siara nan n Baa Yennu-e tumin.

Jɔɔnn 5:36 ပူးပေါင်းရင်းမြစ်များ

Matiu 11:4

Ki Yisa ji bet Jɔɔnn toomiinba maŋ a “Yi ŋmat man ki saa bet Jɔɔnn linba ki i gbat ki bia la na,

Barŋanii nba ki LUK din sɔb nae na 2:49

Ki u jiin ki boib, “Bee ki i daan loomimi? I ki mi a see ki n fabir kii be n Baa toona ni-ii?”

Jɔɔnn 10:25

Ki Yisa jiimm, “N poŋ daan betiiwa, ŋaan ki i ki teenin yada. Toona nba ki n tuun nan n Baa Yennu yaak na ni, ŋannii want ma tee wunba.

Jɔɔnn 11:37

Ki siab yaa a “Daanɔ nba nyɔɔnt jɔɔŋ na, u daan bo kan fit te ki Lasarus daa kpennii?”

Jɔɔnn 15:24

Mi-i bo-i kii tuun toonjaana nba ki sɔɔ daa ki mi tun na bi boor ni, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Jɔɔnn 17:4

Toona nba ki a turin a n tun na, n ji tun ki gbenna, ki dont a sann tingbouŋ na ni.

Jɔɔnn 2:23

Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 4:34

Ki Yisa jiimm, “Min yaa jeet tee ki mii tuun Yennu nba tumin na yanbɔɔtoona ki gbenn.

Jɔɔnn 5:32

Ŋaan sɔɔe bewa ki piak want niib ma tee wunba. Ŋɔɔe tee Yennu; ki n mi nan wa piak n po maŋ, li tee barmɔniie.

Toona 2:22

Ŋanne ki Piita bia ŋamm yet a “Yimm Israel teeb, gbiintir man linba ki n yaa n beti ki jikit saa Yisa nba tee Nasaret nirɔ na po; i mɔŋ mɔŋ mi nan Yennu te ki u tuu tuun bakitnauŋ toonjaana nan nyina i ni, ki li set want nan mɔnii nan Yennue tumɔ.

1 Jɔɔnn 5:9

Nnee ki Yennu teen siara u Bija Yisa po, ki u siara maŋ chee nirɔ yar. Ti-i tee nirɔ siara yadaie, ŋann nna ti sii tee Yennu siarae yada ki gar nirɔ yar.