Jɔɔnn 5:23 - Yennu Gbounpaauŋ Mɔɔr

²³ a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Yennu Gbouŋ Mɔɔr

²³ a ki sɔɔ kur-ii teenin baakir nan baa teen n Baa Yennu baakir biaŋinba na. Wunba ki teenin baakir, li want nan u ki teen n Baa Yennu nba tumin na baakiri.

Jɔɔnn 5:23 ပူးပေါင်းရင်းမြစ်များ

Matiu 10:37

“Wunba loon u naa amii u baa ki garin, u ki ŋan nan wun teen n poorpoweitɔɔ; wunba mun bia loon u bija amii u bipoo ki garin, u ki ŋan nan wun teen n poorpoweitɔɔ.

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 12:21

U sann paake, ki binba ki tee Juu teeb na tan sii mɔk dindann.”

Matiu 15:8

‘Niib na teenin nibaakir mɔi nie, ŋaan bi para fɔk nanin saama.

Matiu 28:19

Li paak, i saa man tingbouŋ na ni, nibooru kura boor ni, ki saa teemm n poorpoweiteeb, ki wurib Yennu nyunwuru, n Baa Yennu sann ni, nan min u Bija sann ni, nan Seyeeŋ sann ni,

Barŋanii nba ki LUK din sɔb nae na 10:16

Li yoo na ki u din bet u poorpoweiteeb a “Wunba gbia i maan, u gbia mine; ŋaan wunba yêti, u yêt mine; ŋaan wunba yêt min, u yêt Yennu wunba tumin nee mun biak.”

Jɔɔnn 14:1

Li yoo na ki Yisa betib a “I daa mɔk parbiiri. Teent Yennu yada, ki mun teenin yada.

Jɔɔnn 16:14

Ki jenna, u bia tan sii dont n sann kimaan u tan sii jikit n labaare ki fiitir ki wanti.

Jɔɔnn 17:10

N yab kur tee a yabe; ki a yab kur mun tee n yab; ki bi bia dont n sanne.

Rom Teeb 1:7

Li paak, ki n sɔbin gbouŋ na ki teen yimm nba be Rom doo ni, ki Yennu looni ki ganni a i teen u mɔŋ niib na. Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Rom Teeb 15:12

Aisaya mun din sɔb Yennu gbouŋ ni a “Jese yaaboonn tan sa baar ki Yennu sa chabɔ yaak, ki u tan sii tee binba ki tee Juu teeb na yudaanɔ, ki bi tan sii teeu yada.”

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

Rom Teeb 8:9

Yennu Seyeeŋ-i set be i ni, i benu ki waa nisaarik loommu, ŋaan li waa Yennu Seyeeŋ na loomme. Wunba ki mɔk Masia Seyeeŋ maŋ u ni, li daanɔ ki tee Masia yɔɔ.

1 Korint teeb 1:3

Ti Baa Yennu nan ti Yomdaanɔ Yisa Masia-n sommi ki bia turi parmaasir.

1 Korint teeb 10:31

Tɔn, li-i tee ki i di, amii ki i nyu bonnyunyuut, amii ki i tuun linba kur, yii tee man linba sa tur Yennu baakir.

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata; li paak tee “Ti Yomdaanɔ, baat.”

1 Korint teeb 6:19

I gbanant na tee Seyeeŋ nba ki i gaar Yennu boor na diiuko, ki u be i ni. I ki mi nnee-ee? I ki yen i mɔŋi, Yennue yeni;

2 Korint teeb 1:9

kimaan ti ji din tan dukii nan kuun ki fɔk nanti, ŋaan linba na din tun a lin wannit nan li ki ŋan nan tii daan ti mɔŋ paaki, ŋaan kii daan Yennu nba fiint kpeemm na paake;

2 Korint teeb 13:14

Ti Yomdaanɔ Yisa Masia sommir, nan Yennu loomm, nan u Seyeeŋ mɔtaauk na-ii be nan i kura.

2 Korint teeb 5:14

Masia loommu diat; ta ji bann nan ŋɔɔ niyenɔkɔɔe din gaar sɔɔ kur paak ki kpo na, li want nan sɔɔ kur din kpo nanɔe.

2 Korint teeb 5:19

Li want nan Masia nba din kpo na, ŋanne tur Yennu sɔnu a wun teen tingbouŋ na niib u yɔɔsinba, ki nyik chabib bi toonbiit, ŋaan jii u barŋanii nba wantib biaŋinba ki u teeb u yɔɔsinba na, ki teen ti nuu ni.

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Hiibru teeb 1:6

Ki Yennu nba din tan yaa wun baar nan u Bija wunba tee bonnankaa yur na tingbouŋ na ni yoonba, u gbouŋ yet u po a “Li kpaa talas ki Yennu malakanba kura-n jiantɔ.”

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 2:23

Daanɔ nba yêen Yennu Bija Yisa, ti Baa Yennu ki be nanɔ, ŋaan wunba piak ki yeen a u teen yada nan Yisa tee Yennu Bijae, ti Baa Yennu be nanɔ.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.