Jɔɔnn 5:19 - Yennu Gbounpaauŋ Mɔɔr

¹⁹ Ŋanne ki Yisa betib a “Barmɔniie ki n beeri na, min Yennu Bija laat n Baa Yennu nba tuun linbae, ki n mun tuun. N kan fit tun siar nan n mɔŋi. N Baa maŋ nba tuun linba, n mun tuun ŋanne,

Yennu Gbouŋ Mɔɔr

¹⁹ Ŋanne ki Yiisa betib a, “Barmɔniie ki n beeri na, min Yennu Bija laat n Baa Yennu nba tuun linbae ki mun tuun. N kan fit tun siar nan n mɔŋ yiikoo. N Baa maŋ nba tuun linba, n mun tuun ŋanne,

Jɔɔnn 5:19 ပူးပေါင်းရင်းမြစ်များ

Matiu 26:39

Ŋanne ki u chat ki saan waaminna bi tɔɔnn po, ki gbaan tiŋ ni, ŋaan mei Yennu ki yeen a “N Baa, li-i bo-i sa fiti, fan ŋaan ki fara nba baat n paak na-n yakirin. Ŋaan ŋaant ki a loommo-n tun, ki li daa tee n loommu.”

Barŋanii nba ki LUK din sɔb nae na 21:15

kimaan li yoo na ki n sa turi yan nan mɔbona nba ki i tan sa pak, ki i datai kan fit nyann i mɔbona amii ki nɔini.

Jɔɔnn 10:18

Sɔɔ kaa ki sa nyinn n manfoor maŋi, ŋaan n mɔŋ mɔŋe yaa n nyinnir, kimaan n mɔk yikoo ki sa nyinnir, ki bia mɔk yikoo ki tan sa lar. Nnee ki n Baa betin a n tun.”

Jɔɔnn 12:49

Ki bia jenna, maan nba ki n pak na, li ki tee n tiauŋ maan kaa, ŋaan ma pak linba maŋ, li tee n Baa Yennu wunba tumin nee betin a mii want.

Jɔɔnn 12:50

Ki u maan maŋ teen niib manfoor nba kaa gbennue. Ki ma pak linba na kura, ŋanne ki n Baa Yennu yaa a n pak.”

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 2:19

Ki Yisa jiin a “Tɔn, yi yeer Yennu jiantu diiuk na, ŋaan daa ŋanntaa sinsuuk ni n sa maar kaar.”

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 5:21

N Baa nba fiint kpeemm biaŋinba ki teemm manfoa na, nnee mun, ki min nba tee u Bija na mun sa tur binba ki n gann na manfoa.

Jɔɔnn 6:38

kimaan n nyii Yendɔuŋ ni ki sik na ma n tun Yennu nba tumin na yanbɔɔtoonne, ŋaan li ki tee n mɔŋ mɔŋ yanbɔɔt kaa.

Jɔɔnn 8:28

Li paak ki Yisa betib, “Yoo nba ki i sa jii min nisaarik Bik ki donnin sanpaapo na, li yooe ki i tan sa bann nan n tee ma tee wunba, ki i bia sa bann nan n ki tuun siar nan n mɔŋ mɔŋ yikoo, ŋaan n bia yeen linba ki n Baa wannin a n tan yete.

Jɔɔnn 9:4

Yoo nba ki yentu daa be na, li kpaa talase ki tii tuun wunba tumin na toona na, kimaan nyiɔk baat, yoo nba ki sɔɔ kan fit tun toonni.

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Rom Teeb 6:4

Li paak, ti din kpoe nan Yisa Masia ki bi lakin piit nanɔ Yennu nyunwuru ni; ki u Baa Yennu din jii u paŋ ki fiinɔ kuun ni, nnee ki ti mun fiir a tii be manfopaann ni.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

1 Korint teeb 15:12

Li paak, ta mɔɔntir barii na ki yaa a Masia din fiir kuun ni, ki nlee ki i siab yeen a binba kpo na tan kan fiiri?

2 Korint teeb 4:14

Kimaan ti mi nan Yennu nba din fiin ti Yomdaanɔ Yisa kuun ni na, ŋɔɔe tan sa fiin timm nan yimm nba waa Yisa mun kuun ni, ki sa baar nant u mɔŋ boor ni.

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

Efesus teeb 2:5

li paak, ta din yêt Yennu mɔb ki li want nan ti kpoe na yoonba, li yoo na, ki u din nyinnit kuun ni, ki kɔɔnit manfoor ni Masia paak; Yennu ninbatinu paak ki i tinn na.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni,

Filipi teeb 3:21

U tan sa lebit ti gbananchɔkint nba sa kpo na ki lii naan kaman nan u Yendɔuŋ ni gbananpaann nee. U tan sa jii paŋ nba te ki u yen bonsiar kur nee ki tun nna.

Filipi teeb 4:13

Masia nba teenin paŋ na paak, n sa fit set binbeŋ kur ni.

Kolosa teeb 1:11

Ŋɔɔ Yennu-n turi paŋ bonchiann kaman nan wa mɔk paŋ kur biaŋinba na, linba sa te ki i mɔk gbankur bonsiar kur ni, nan sukuru nan parpeenn.

Kolosa teeb 1:16

kimaan u nie ki Yennu din nan bonsiar kur nba be sanpaapo nan tingbouŋ na ni. Ŋɔɔe din nan ta laat bona nba nan ta ki laat bona nba, yentdamm, nan yomdamm, nan yudamm, nan yikodamm. Yennu din nan bonsiar kura ŋɔɔ Masia nie, ŋaan jii bonsiar kur turɔ.

1 Tesalonika teeb 4:14

Ti teen yada nan Yisa din kpo ŋaan bia fiir kuun niwa; li paak, ki ti bia teen yada nan Yennu tan sa te ki Yisa-n jen nan u weira nba din kpo na.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.