Jɔɔnn 5:18 - Yennu Gbounpaauŋ Mɔɔr

¹⁸ Yisa nba yet nna yoonba, ki Juu teeb maŋ ŋamm donn wutoor ki loon bin kpiu ki gar sinsinna. Bi dukin nan li ki tee wa biir foon daar sennu na paak kuukɔɔ kaa, ŋaan wa bia yaa a Yennu tee u Baa na paak, ki ŋanne te ki u yek nan u mɔŋ nan Yennu.

Yennu Gbouŋ Mɔɔr

¹⁸ Yiisa nba yet nna yoo nba, ki Juu teeb maŋ ŋamm loon bin kpiu ki gar sinsinn na, kimaan li ki tee waa biir foon daar sennu na kuukɔɔ paak kaa, ŋaan waa bia yaa Yennu tee u Baa, ki yek u mɔŋ nan Yennu na paak.

Jɔɔnn 5:18 ပူးပေါင်းရင်းမြစ်များ

Matiu 12:5

amii i ki karin Yennu sennu gbouŋ ni manteeb nba din tuun biaŋinba-aa? bi din tuu yɔɔ tuun toona Yennu jiantu ŋasaakak ni foon daar kura ki biir sennu na, ŋaan kaa biiti.

Jɔɔnn 1:19

Tɔn, ki Juu teeb yudamm nba din be Jerusalem na tun Yennu jiantu yudamm nan Liifai teeb Jɔɔnn maŋ boor, a bin boiɔ a “A tee ŋmee?”

Jɔɔnn 10:30

Min nan n Baa maŋ tee yomme.”

Jɔɔnn 10:33

Ki bi jiin ki yetɔ a “Ti ki loon ki tin jaata tana toonŋansiar paak kaa, ŋaan fa jikit a mɔŋ ki yek nan Yennu na paak. A kpan tee nirɔe, ŋaan yi a mɔŋ Yennu, ki li tee bonbilankante.”

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 14:9

Ki Yisa jiin a “Filip, n poŋ be nani ki li yukira, ŋaan ki a daa ki mimii? Wunba lan, u set la n Baa maŋe na. Ki bee ki a yaa a n wanni n Baa maŋi?

Jɔɔnn 19:7

Ki Juu teeb yudamm na jiin yaa a “Ti mɔk sennsau, ki sennu maŋ want nan u kpan lek tee wun kpoe, kimaan u yaa a u tee Yennu Bijae.”

Jɔɔnn 5:15

Yisa nba pak nan jɔɔ na, ki jɔɔ na nyii ki saan Juu teeb yudamm na boor ki saa betib a “Li tee Yisae te ki n paak.”

Jɔɔnn 5:16

Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.

Jɔɔnn 5:17

Li paake te ki Yisa din betib a “N Baa Yennu yɔɔ tuume, ki n mun tuun nnee.”

Jɔɔnn 5:23

a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Jɔɔnn 7:1

Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Jɔɔnn 7:19

“Li ki tee Moses kaa din turi ti sennu-uu? Ŋaan i sɔɔ ki dia li sennu maŋi. Ki bee ki i loon ki i kpimi?”

Jɔɔnn 8:54

Ki Yisa jiimm a “Mi-i bo-i dontir n mɔŋie, li bo sii tee yanne, ŋaan wunba dontirin tee n Baae. Ŋɔɔe tee daanɔ nba ki i yaa a u tee i Yennu na.

Jɔɔnn 8:58

Ki Yisa jiin yetib a “Barmɔniie ki n beeri na, ba din tan maar Abraham na, ŋaan sɔɔ ki min ŋarin poŋ kpan be.”

Filipi teeb 2:6

U din tuu yɔɔ be kaman nan Yennu nee, ŋaan u din ki mi dukin a u sa jii u mɔŋ ki yekin nan Yennu,

Fiitu 22:1

Li yoo ki malaka na wannin manfoor nyun mɔkir na, ki li puuk nyi Yennu nan Pebik na naangbouŋ na ni, ki nyirii kaman nan mianu na,

Fiitu 22:3

Ki Yennu nba por mɔb ki wann linba kur, li ji kii be doo maŋ ni; Yennu nan Pebik na naangbouŋ maŋ sii be doo maŋ ni, ki u toontunna na sii jiantirɔ.