Jɔɔnn 5:17 - Yennu Gbounpaauŋ Mɔɔr

¹⁷ Li paake te ki Yisa din betib a “N Baa Yennu yɔɔ tuume, ki n mun tuun nnee.”

Yennu Gbouŋ Mɔɔr

¹⁷ Ki Yiisa betib a, “N Baa Yennu yɔɔ tuume, ki n mun tuun nnae.”

Jɔɔnn 5:17 ပူးပေါင်းရင်းမြစ်များ

Matiu 10:29

Bi kɔi jinjera bannlee jenjen kuukɔɔe, ŋaan li-i kii tee ti Baa Yennu loommi, bi yenɔkɔɔ kan baa tiŋ ni.

Jɔɔnn 10:36

Ŋaan min ŋarin, n Baa Yennue gannin ki tumin tingbouŋ na ni; ki ma yet yaa a n tee Yennu Bija na, nlee ki i yaa a li tee bonbilankanti?

Jɔɔnn 14:10

N be n Baa nie, ki n Baa mun be n ni; i ki teen linba na yada-aa? Maan nba ki n pak ki turi na, li ki nyii n ni kaa, ŋaan li nyii n Baa Yennu boore. Ŋɔɔe be n ni ki tuun u toona maŋ.

Jɔɔnn 5:16

Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.

Jɔɔnn 5:18

Yisa nba yet nna yoonba, ki Juu teeb maŋ ŋamm donn wutoor ki loon bin kpiu ki gar sinsinna. Bi dukin nan li ki tee wa biir foon daar sennu na paak kuukɔɔ kaa, ŋaan wa bia yaa a Yennu tee u Baa na paak, ki ŋanne te ki u yek nan u mɔŋ nan Yennu.

Jɔɔnn 9:4

Yoo nba ki yentu daa be na, li kpaa talase ki tii tuun wunba tumin na toona na, kimaan nyiɔk baat, yoo nba ki sɔɔ kan fit tun toonni.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

Toona 17:28

Nisɔɔ din yet a ‘Li tee Yennu paake ki ti be ki tuun.’ I yandamm pinpakit mun bia lek want nna maŋe a ‘Ti bia tee Yennu waase.’

1 Korint teeb 12:6

Toonbooru booru mun be, ŋaan Yen-yenɔkɔɔe te ki sɔɔ kur tuun u toonn.

Kolosa teeb 1:16

kimaan u nie ki Yennu din nan bonsiar kur nba be sanpaapo nan tingbouŋ na ni. Ŋɔɔe din nan ta laat bona nba nan ta ki laat bona nba, yentdamm, nan yomdamm, nan yudamm, nan yikodamm. Yennu din nan bonsiar kura ŋɔɔ Masia nie, ŋaan jii bonsiar kur turɔ.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.