Jɔɔnn 4:36 - Yennu Gbounpaauŋ Mɔɔr

³⁶ Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Yennu Gbouŋ Mɔɔr

³⁶ Ki dijaara tan saa gaar bi paauk, ki dii nba ki bi jaan na mun, ŋamme tee niib nba tan saa la manfoor nba kaa gbennu, ki damm nba buur nan binba jaan, bi kur tan sii mɔk parpeenn dii maŋ paak.

Jɔɔnn 4:36 ပူးပေါင်းရင်းမြစ်များ

Matiu 19:29

Ki wunba kur nyik u ŋaak, amii u yɔɔrib, amii u waarii, amii u baa, amii u naa, amii u waas, amii u kpaant, n sann paak, u tan sa la bona booru booru kobik, ki bia la manfoor nba kaa gbennu.

Jɔɔnn 3:36

Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Rom Teeb 1:13

N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

1 Korint teeb 9:17

Mi-i bo-i gann toonn maŋ n tiauŋue, n bo sa la nyɔɔt, ŋaan min-i kaa gann n mɔŋi, li tee Yennue guunin toonn maŋ.

1 Korint teeb 9:18

Lanne tee n nyɔɔti? N nyɔɔt tee ma mɔɔntir barŋanii na yann, ki ki jii yaak nba ki n mɔkir barŋanii toona ni na ki gaan siari.

1 Tesalonika teeb 2:19

Ti Yomdaanɔ Yisa-i jen yoonba, yimme sii tee ti dindann nan ti nyɔɔt, ki i paake ki ti tan sa set u boor nan parpeenn nan yuugontir.

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.