Jɔɔnn 4:34 - Yennu Gbounpaauŋ Mɔɔr

³⁴ Ki Yisa jiimm, “Min yaa jeet tee ki mii tuun Yennu nba tumin na yanbɔɔtoona ki gbenn.

Yennu Gbouŋ Mɔɔr

³⁴ Ki Yiisa jiimm a, “Min yaa jeet tee man sak Yennu nba tumin na mɔbe, ki tun u yanbɔɔtoona ki gbenn.

Jɔɔnn 4:34 ပူးပေါင်းရင်းမြစ်များ

Matiu 26:39

Ŋanne ki u chat ki saan waaminna bi tɔɔnn po, ki gbaan tiŋ ni, ŋaan mei Yennu ki yeen a “N Baa, li-i bo-i sa fiti, fan ŋaan ki fara nba baat n paak na-n yakirin. Ŋaan ŋaant ki a loommo-n tun, ki li daa tee n loommu.”

Matiu 3:15

Ŋaan ki Yisa yetɔ a “Ŋaant ki lin tun nna mɔtana, kimaan nnee ki li ŋan ki tin tun toonŋana kura.” Li yoo na ki Jɔɔnn sak.

Matiu 9:19

Ki Yisa din fiir ki jii u poorpoweiteeb pukin u mɔŋ paak, ki bi weiɔ ki saan.

Barŋanii nba ki LUK din sɔb nae na 15:10

“Ŋanne mun ki n beeri biak, li-i tee ki biitdaanyenɔ nyik u biit, Yennu malakanba sii mɔk parpeenn u paake.”

Barŋanii nba ki LUK din sɔb nae na 19:10

Min nisaarik Bik baar a n lon binba bot na ki lab ŋaan tinnib.”

Barŋanii nba ki LUK din sɔb nae na 2:49

Ki u jiin ki boib, “Bee ki i daan loomimi? I ki mi a see ki n fabir kii be n Baa toona ni-ii?”

Jɔɔnn 17:4

Toona nba ki a turin a n tun na, n ji tun ki gbenna, ki dont a sann tingbouŋ na ni.

Jɔɔnn 19:28

Li poorpoe, Yisa din mi nan bonsiar kur nba ki u din tuun na, li ji gbenna, ŋaan yet a “Nyunyukiru mɔkin.” U yet nna a lin gbeen linba sɔb Yennu gbouŋ ni na.

Jɔɔnn 19:30

ki u fɔɔnt ki nak, ŋaan yet a “Li gbenna,” ŋaan tibin ki chab u seek ki tur Yennu, ki kpo.

Jɔɔnn 4:32

Ki Yisa jiimm yaa a “Min mɔk jeet nba ki n sa di, ŋaan ki i ki mi li po.”

Jɔɔnn 5:30

“N kan fit tun siar nan n mɔŋi. Mi-i bu nirɔ buut biaŋinba, Yennue tuu betin ma n bu. Li paak teen ki n buut ŋan, kimaan n ki loon ki n tun n mɔŋ yanbɔɔtoona kaa, ŋaan n tuun Yennu nba tumin na yanbɔɔtoonae.

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Jɔɔnn 6:33

Jeet nba ki Yennu jii teeni maŋ, ŋannii tee linba nyii Yendɔuŋ ni ki teen tingbouŋ na ŋaateeb manfoor.”

Jɔɔnn 6:38

kimaan n nyii Yendɔuŋ ni ki sik na ma n tun Yennu nba tumin na yanbɔɔtoonne, ŋaan li ki tee n mɔŋ mɔŋ yanbɔɔt kaa.

Jɔɔnn 8:29

Ki wunba tumin nae be nanin. U ki nyikit n kuukɔɔ, kimaan n tuu tuun linba gboot u numme.”

Toona 20:35

Ma din tuun nna maŋ paake want nan see ki tii tuun bonchiann ki fit ki somm talasdamm. Li ŋan ki ti tiar ti Yomdaanɔ Yisa maan, nan wa yet yaa a ‘Parpeenn sii tee daanɔ nba piin piinii yare, ki gar wunba gaan.’ ”

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.