Jɔɔnn 4:23 - Yennu Gbounpaauŋ Mɔɔr

²³ Ŋaan yoo baat, ki li poŋ set baar na, ki binba jiantir ti Baa Yennu nan barmɔnii na sii jiantirɔ u Seyeeŋ paŋ paak nan bi para kur, kimaan li niboorue ki Yennu loon bii jiantirɔ nna.

Yennu Gbouŋ Mɔɔr

²³ Ŋaan yoo baat, ki poŋ set baara, ki binba jiantir ti Baa Yennu nan barmɔnii na sii jiantirɔ u Seyeeŋ paŋ nie ki mi waa tee wunba, kimaan li niboorue ki Yennu loon bii jiantirɔ nna.

Jɔɔnn 4:23 ပူးပေါင်းရင်းမြစ်များ

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 12:23

Ki Yisa betib a “Yoo nba ki Yennu sa donn nisaarik Bik na sanpaapo na baar na.

Jɔɔnn 16:2

Bi tan sa yɔɔ nyinni Yenjiantu ni. Ki yoo baat ki wunba tan kpi-i, u sii dukii mi a u tuun nna ki teen Yennue.

Jɔɔnn 16:32

Yoo baat, ki li poŋ baar gbenna, ki i kur tan sa yat kun, ŋaan ki n tan sa biar n kuukɔɔ. Ŋaan li set ki tee n tan sii kpan be n kuukɔɔ kaa, kimaan min nan n Baa Yennue tan sii be.

Jɔɔnn 4:21

Ki Yisa betɔ, “N diamm, teentin yada, yoo baat ki niib tan kii jiantir ti Baa Yennu jɔɔr na paaki, ki bia tan kii jiantirɔ Jerusalem mun biaki.

Jɔɔnn 5:25

“Barmɔniie ki n beeri na, yoo baat, ki li poŋ baara, ki kpeemm tan sa gbat min Yennu Bija kunkɔr, ki binba gbat n kunkɔr maŋ sa la manfoor nba kaa gbennu.

Jɔɔnn 5:28

I daa te ki li teei yaarlituku. Yoo baat ki niib kur nba poŋ kpo ki bi piib na, bi tan sa gbat n kunkɔr,

Rom Teeb 1:9

Yennu tee n siara daanɔ nan n ki mi nyik Yenmiaru i kura paaki. Ŋɔɔ maŋe ki n waau nan n par kura ki mɔɔntir u Bija barŋanii na, ŋɔɔe tee n siara daanɔ.

Rom Teeb 8:15

U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

Rom Teeb 8:26

Nnee mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni ki ti mɔbona kan fit pak li paaki.

Galasia teeb 4:6

Ta tee u waas na paak, ki u tun u Bija maŋ Seyeeŋ na ki u be ti para ni, ki ti yi ŋɔɔ Yennu a “N Baa, n Baa.”

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.