Jɔɔnn 4:14 - Yennu Gbounpaauŋ Mɔɔr

¹⁴ ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Yennu Gbouŋ Mɔɔr

¹⁴ ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Jɔɔnn 4:14 ပူးပေါင်းရင်းမြစ်များ

Matiu 25:46

Binba na tan sa saan ki saa la tubdatu nba kaa gbennu na, ŋaan ki yentina na-n mun saan kii sii be manfoor nba kaa gbennu ni.”

Matiu 5:6

“Binba ninbina mɔn ki bi para ni lakib nan Yennu toona, parpeenn tee bi yare, kimaan Yennu sa gboomm bi para nba lakib linba maŋ paak.

Jɔɔnn 10:10

Nanyukɔɔ ŋarin baat a wun tan jan pei nae, ki bia kpib, ki bia biirib. Mine baar a niib-n la manfoor nba tee manfoor nan barmɔnii.

Jɔɔnn 11:26

ki daanɔ nba mɔk manfoor ŋaan teenin yada, u kan mi ki kpo. A teen yada nan linba na-aa?”

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Jɔɔnn 4:11

Ki poo na yetɔ a “Chanbaa, bunbunn na sumii hei, ki a mun bia ki mɔk gooka. Lee ki a sa luun manfoor nyun maŋi?

Jɔɔnn 4:13

Ki Yisa yetɔ a “Wunba nyuu bunbunn na nyun, nyunyukiru tan sa ŋamm soorɔwa,

Jɔɔnn 4:36

Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Jɔɔnn 6:35

Ki u betib a “Mine tee manfoor jeet maŋ. Daanɔ nba baar n boor ni, kon kan mi ki soor li yɔɔ, ki wunba mun teenin yada, nyunyukiru kan mi ki soorɔ.

Jɔɔnn 6:58

Mine tee jeet nba nyii Yendɔuŋ ni ki sik. Ki wunba di jeet na, u sii yɔɔ be nan yoo nba kaa gbennu; ki jeet maŋ ki tee kaman nan jeet nba ki i yejamm din di muuk ni ki bia kpoa na kaa.”

Jɔɔnn 7:37

Tɔn, ki jaamm maŋ gbennu daar din tee dajaanne. Li daar maŋe ki Yisa fiir set ki pak sanpaapowa a “Wunba ki nyunyukiru gbatɔ, wun baar n boor ni ki tan nyu,

Rom Teeb 5:21

Li paak, biit nba din kpi nifosaarii ki te ki bi kpenn biaŋinba na, nnee mun ki Yennu ninbatinu paak te ki u yet a bi tee niŋamm u boor, ki turib manfoa nba kaa gbennu, ti Yomdaanɔ Yisa Masia paak.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

2 Korint teeb 1:22

Ŋɔɔe jii u Seyeeŋ ki teen ti para ni, ki jii u dɔk ki dɔk ti paak, ki li want nan u tan sa turit linba kur ki u lor nawa.

Efesus teeb 4:30

I daa te ki Seyeeŋ nba tee Yennu yent dɔk i paak na-n la parbiiri. Ŋɔɔe tee dɔk nba want nan Daar baat na ki Yennu tan sa turi yentinmɔŋ nan barmɔnii.

1 Piita 1:22

Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 7:16

a ki kon nan nyunyukiru kan mi soorib, ki yentonu amii tongbeŋsiar kan mi ki toŋ bi gbanu,

Fiitu 7:17

a ki Pebik nba be naangbouŋ na tɔɔnn na sii guub, ki chiamm saan namm nyunbuur nba teen manfoor na ni, a ki Yennu sa fiar bi ninnyuut kur.”