Jɔɔnn 4:11 - Yennu Gbounpaauŋ Mɔɔr

¹¹ Ki poo na yetɔ a “Chanbaa, bunbunn na sumii hei, ki a mun bia ki mɔk gooka. Lee ki a sa luun manfoor nyun maŋi?

Yennu Gbouŋ Mɔɔr

¹¹ Ki poo na yetɔ a, “Chanbaa, bunbunn na sumii hei, ki a mun bia ki mɔk gooka. Lee ki a saa luun manfoor nyun maŋi?

Jɔɔnn 4:11 ပူးပေါင်းရင်းမြစ်များ

Jɔɔnn 3:4

Ki Nikodemus boiɔ “Nlee ki bi sa ŋamm ki mar nirɔ nba ki tee bik biaki? kimaan u ji kan fit ki ŋmat kɔɔ u naa poor ni, ki wun ŋamm marɔ.”

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 7:37

Tɔn, ki jaamm maŋ gbennu daar din tee dajaanne. Li daar maŋe ki Yisa fiir set ki pak sanpaapowa a “Wunba ki nyunyukiru gbatɔ, wun baar n boor ni ki tan nyu,

Toona 10:14

Ŋaan ki Piita jiin a “O! O! O! N Yomdaanɔ, nna kaa. N ki mi dii ti kɔɔti.”

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

Fiitu 21:6

Ki u bia yetin a “Li poŋ tuma. N tee Alfa nan Omegae; li paak tee piinu nan joontu. Binba ki nyunyukiru mɔkib na, n sa pib manfoor nyun nba bunii ki nyi nyunkpana ni na ki bin nyu yann;

Fiitu 22:1

Li yoo ki malaka na wannin manfoor nyun mɔkir na, ki li puuk nyi Yennu nan Pebik na naangbouŋ na ni, ki nyirii kaman nan mianu na,

Fiitu 22:17

Tɔn, Yennu Seyeeŋ nan Pebik na pooyookir na yet a “Baat.” Ki wunba gbatir mun-n yet a “Baat.” Ki wunba kur ki nyunyukiru soorɔ, wun baar; ki wunba loon nyun maŋ, wun gaar yann.

Fiitu 7:17

a ki Pebik nba be naangbouŋ na tɔɔnn na sii guub, ki chiamm saan namm nyunbuur nba teen manfoor na ni, a ki Yennu sa fiar bi ninnyuut kur.”