Jɔɔnn 3:36 - Yennu Gbounpaauŋ Mɔɔr

³⁶ Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Yennu Gbouŋ Mɔɔr

³⁶ Daanɔ nba teen Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor saa do u paak ki kan maaki.

Jɔɔnn 3:36 ပူးပေါင်းရင်းမြစ်များ

Matiu 25:46

Binba na tan sa saan ki saa la tubdatu nba kaa gbennu na, ŋaan ki yentina na-n mun saan kii sii be manfoor nba kaa gbennu ni.”

Barŋanii nba ki MAK din sɔb nae na 16:16

Wunba kur teenin yada, ki bi wurɔ Yennu nyunwuru, u sa la tinnu; ŋaan wunba kur ki teenin yada, Yennu sa bu u buut ki biirɔwa.

Barŋanii nba ki LUK din sɔb nae na 2:30

kimaan n mɔŋ mɔŋ ninbinn la Tinntɔɔ nba ki a tumɔ nawa,

Barŋanii nba ki LUK din sɔb nae na 3:6

a ki tingbouŋ niib kur sa la biaŋinba ki Yennu sa tinnib na.’ ”

Jɔɔnn 1:12

Ŋaan binba kur gaarɔ ki teenɔ yada ki jii bi mɔŋ ki turɔ, ŋamme ki u din chabib ki bi ji teen Yennu waas.

Jɔɔnn 10:28

ki n teemm manfoa nba kaa gbennu, ki bi kan mi ki kpo, ki sɔɔ bia kaa ki sa fit fatib n nuu ni.

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 4:36

Ki dijaara tan sa gaar bi paauk, ki dii nba ki bi jaan na mun, ŋamme tee niib nba tan sa la manfoor nba kaa gbennu, ki damm nba buur nan binba jaan, bi kur tan sii mɔk parpeenn bi dii maŋ paak.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Jɔɔnn 6:58

Mine tee jeet nba nyii Yendɔuŋ ni ki sik. Ki wunba di jeet na, u sii yɔɔ be nan yoo nba kaa gbennu; ki jeet maŋ ki tee kaman nan jeet nba ki i yejamm din di muuk ni ki bia kpoa na kaa.”

Jɔɔnn 8:51

Barmɔniie ki n beeri na, daanɔ nba saak n maan, u kan mi ki kpo.”

Toona 14:2

Ŋaan ki Juu teeb nba din tee nikangbata din biir Yisaweira sann, ki fiin boorganu na wutoa.

Rom Teeb 4:15

Sennu nee baat nan Yennu wutoor li mɔyêtuk paak, ŋaan bi-i kii senn sennu, mɔyêtuk sii kaa.

Rom Teeb 5:9

U sɔn paak, ki Yennu yet a ti tee niŋamme; li paak mun u kpan sa nyinnit tubdatu nba baat ti paak na ni.

Rom Teeb 8:1

Tɔn, mɔtana Yennu kan bu ki biir binba be Yisa Masia ni,

Galasia teeb 3:10

Binba waa sennu ki dukii a sennu na sa tinnib na, Yennu mɔtomm be bi paak, kimaan li sɔb Yennu gbouŋ ni a “Wunba ki waa sennu kur nba sɔb gbouŋ maŋ ni na, Yennu mɔtomm be u paak.”

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Tesalonika teeb 5:9

Kimaan Yennu din ki gannit a wun tan dat ti tuba kaa, ŋaan u gannit a tin la tinnu ti Yomdaanɔ Yisa Masia paak;

Hiibru teeb 10:29

Li paak, nirɔ nba fiak Yennu Bija maŋ ki ki baakit sɔn nba ŋamm Yennu mɔlor ki nyinnɔ u biit ni na, ki sukii burchinseyeeŋ na, bikint li yɔɔ nba tan sa jaŋ nan tubdatbiiuk nba.

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Hiibru teeb 3:18

Yennu daa din por lamme mɔb a “Bi kan mi baar ma bo yaa n turib foon tiŋ nba na ni.” Li din tee binba din yêt u mɔb nee.

Hiibru teeb 3:19

Li paak, bi din ki fit kɔɔ tiŋ maŋ ni, kimaan bi yadakaarin paak.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”