Jɔɔnn 3:31 - Yennu Gbounpaauŋ Mɔɔr

³¹ Wunba nyii sanpaapo, ŋɔɔe chee sɔɔ kura; ŋaan binba nyii tingbouŋ na ni, ŋamm tee tingbouŋ na teebe, ki bia piak nisaarii maan. Wunba nyii Yendɔuŋ ni, ŋɔɔe chee sɔɔ kur,

Yennu Gbouŋ Mɔɔr

³¹ Wunba nyii sanpaapo, ŋɔɔe chee sɔɔ kur; ŋaan binba nyii tingbouŋ na ni, ŋamm tee tingbouŋ na teebe, ki bia piak nisaarii maan. Wunba nyii Yendɔuŋ ni, ŋɔɔe chee sɔɔ kur,

Jɔɔnn 3:31 ပူးပေါင်းရင်းမြစ်များ

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Jɔɔnn 1:15

Yoo nba ki Jɔɔnn nba din wuur niib Yennu nyunwuru na tan lau na, ki u nyinn u siara ki yikin sanpaapowa a “Daanɔ nba ki n daan beeri ki yaa a u tan sa baar ki cheen na, u poŋ din tuu beewa, ki bi tan marin, ŋɔɔe na jik.”

Jɔɔnn 1:27

Ŋɔɔe tee wunba yaa wun wei n paak, ŋaan ki n ki ŋan nan ki n lot u taasaaŋmii gbaa.”

Jɔɔnn 1:30

Ŋɔɔe tee daanɔ nba ki n won beeri a ŋɔɔe tan sa wei n paak kii tuun Yennu toona, ŋaan bia cheen na. U poŋ din beewa ki bi tan marin.

Jɔɔnn 3:30

“Li kpaa talas nan ŋɔɔ Masia-ii yabitir, ŋaan ki min-ii waabit.”

Jɔɔnn 6:33

Jeet nba ki Yennu jii teeni maŋ, ŋannii tee linba nyii Yendɔuŋ ni ki teen tingbouŋ na ŋaateeb manfoor.”

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Jɔɔnn 8:23

Ki Yisa jiin a “Yimm tee tiŋ nna yabe, ŋaan min tee sanpaapo yɔɔe; yimm nyii tingbouŋ na nie, ŋaan min ki nyii tingbouŋ na ni kaa.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Rom Teeb 9:5

Bi yejamm din tee nijaanae, ki Masia nba din kpant nisaarik na, u din tee bi booru ni yenɔe. Yennu nba yen bont kur na, u sa la paku ki li kii mɔk gbennu. Mɔmɔmm.

Hiibru teeb 9:1

Tɔn, Yennu nba din lor sinsinn mɔlor ki turib na, u bia din turib sennii nba ki bi sii waa-r kii jiantirɔ fanu; ki bi bia din mɔk siaminba ki bi sii jiantirɔ leŋe.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

1 Jɔɔnn 4:5

Ŋamme tee tingbouŋ na yab. Li paak te ki bi piak tingbouŋ na niauŋ po, ki tingbouŋ na ŋaateeb fiin bi po.

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”