Jɔɔnn 3:3 - Yennu Gbounpaauŋ Mɔɔr

³ Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Yennu Gbouŋ Mɔɔr

³ Ki Yiisa betɔ a, “Barmɔniie ki n beera na, sɔɔ kan fit kɔɔ Yennu naan ni, bi-i kii ŋamm marɔ-i kaa.”

Jɔɔnn 3:3 ပူးပေါင်းရင်းမြစ်များ

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Matiu 19:24

N bia yaa n beti leere nan li paar nan mɔkitɔɔ-n kɔɔ Yennu naan ni kaman nan lagumii nba kan fit kɔɔ kparpeenu miar ni na.”

Matiu 21:31

Yisa nba din yimm barjouk maŋ ki gbenn na, ki u ji boi niib na a “Waas bannlee na ni, ŋmee tun u baa loommu?” Ki bi jiin a “Saakɔɔ po na.” Ki Yisa betib a “Barmɔniie ki n beeri na, lampogaarteeb nan bonchonchona tan sa dɔŋi Yennu naan ni kɔɔnuwa,

Matiu 5:18

kimaan barmɔniie ki n beeri na, sanpaak nan tingbouŋ na tan sa gbenn, ŋaan Yennu sennu na nan li bonmintik kan mi bot, see ki li kura tan tun ki gbenn.

Barŋanii nba ki MAK din sɔb nae na 10:14

Ŋaan wa bann ba tian bi paak biaŋinba na ki u wutoor doo, ki u betib a “Ŋaant man ki waas maŋ-ii baat n boor ni na, ki daa tiammi, kimaan bi boorue yen Yennu naan.

Barŋanii nba ki MAK din sɔb nae na 9:47

A ninbinn-i te ki a yaa a tun toonbiit, fan kpakir ki lu. Li sɔ ki fan tan kɔɔ Yennu naan ni nan ninbinn yennkɔɔ ki gar fan tan kɔɔ muu maŋ ni nan ninbina ŋannlee.

Jɔɔnn 1:13

Ba din teen Yennu waas na, ki Yennu ji turib u manfopaann. Li ki tee nisaarii kaa din turib li manfoor ba din marib yoonba na, ŋaan li din tee Yennue.

Jɔɔnn 1:5

ki yentir tingbouŋ na niib bunbɔnn, ki bunbɔnn na ki fit bɔnn yentu maŋi.

Jɔɔnn 1:51

Barmɔniie ki n beeri na, i sa la sanpaapo loot, ki Yennu malakanba siik nisaarik Bik na paak, ki ŋmat do sanpaapo.”

Jɔɔnn 12:40

“Min Yennue teemm jɔɔnii, ki bia te ki bi gbar bannu, ki bi nummpo daa yentiri, ki bi bia daa bant li paaki, ki li paak bi kan fit baar n boor ni, ki n tan tinnibi.”

Jɔɔnn 3:4

Ki Nikodemus boiɔ “Nlee ki bi sa ŋamm ki mar nirɔ nba ki tee bik biaki? kimaan u ji kan fit ki ŋmat kɔɔ u naa poor ni, ki wun ŋamm marɔ.”

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

2 Korint teeb 5:17

Li paak, nirɔ nba be Masia ni, li yɔɔ ji tee nipaamɔɔe; u binbenkper kur ji gara; gotir man, binbenpaaŋ ji dɔkit li yɔɔ niwa.

Galasia teeb 6:15

Bɔkitu kaa wunba pot u punn nan wunba ki pot u punn sinsuuk ni. Linba ji kpaa talas tee binbenpaaŋ nba ki Yennu turit nee.

Efesus teeb 2:1

Yoo nba din gar na, i mɔyêtuk nan biit paak, li want nan i kpoe.

Taitus 3:5

ki u din tinnit. Li din ki tee ti tiauŋ toonŋana paak kaa, ŋaan u mɔŋ ninbatinu paake ki u din tinnit, ki din wurit ki nyinn ti biit, ki te ki u Seyeeŋ ŋamm nant, ki turit manfopaann,

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.

1 Jɔɔnn 3:9

Binba kur tee Yennu waas nyii bi Baa Yennue, ki ki tuun biiti. Bi ki fit tuun biiti, kimaan ba gaar bi Baa Yennu binbeŋ na paak.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

1 Jɔɔnn 5:18

Ki ti mi nan damm nba nyii Yennu ni, bi ki tuun biiti, kimaan Yennu Bija Yisa guub, ki bonbiiuk daanɔ Sintaanii kan teemm siari.

1 Jɔɔnn 5:4

kimaan binba kur tee Yennu waas, ŋammii fit nyant tingbouŋ na ni jinjammii. Linba te ki ti nyant tingbouŋ na jinjammii na tee ti yada teenue.

Fiitu 3:14

Ki wunba ki n lau na bia betin a n sɔb labaar na ki tur u weira nba lakin be Laodisea doo ni na malaka a “Labaar na nyii wunba sann yi Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nann na yudaanɔ: