Jɔɔnn 3:27 - Yennu Gbounpaauŋ Mɔɔr

²⁷ Ki Jɔɔnn maŋ betib a “Yennu nyint sɔɔ kur nan u toona. Nirɔ kan fit tun siar ki li ki tee Yennu nyinnɔ.

Yennu Gbouŋ Mɔɔr

²⁷ Ki Jɔɔnn betib a, “Nirɔ kan fit tun siar ki li ki tee Yennu nyinnɔ.

Jɔɔnn 3:27 ပူးပေါင်းရင်းမြစ်များ

Matiu 21:25

Jɔɔnn wunba daan wuur niib Yennu nyunwuru na, Yennue chabɔ li yikoo amii nisaarikee?” Ŋanne ki bi ji din faa bi leeb labaar ki yeen a “Ti-i yet a Yennue chabɔ li yikoo, u sa boit a ki bee te ki ti ki teenɔ yada;

Matiu 25:15

U din tur sinsinn yoo na pɔŋ tusa ŋaŋŋmu, ki tur wunba paa na pɔŋ tusa ŋannlee, ki tur wunba joont na pɔŋ tusyenn. U din tur sɔɔ kur kaman nan wa mi li yɔɔ kotir nba tee biaŋinbae, ŋaan yaat ki saan.

Barŋanii nba ki MAK din sɔb nae na 13:34

Li tan sii tee kaman nan jasɔɔ nba yaa wun nyi u ŋaak ni ki yaatir saa sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔɔ a wun guu, ŋaan saan.

Jɔɔnn 10:41

Ki niib bonchiann din baar Yisa peŋ, ki din piak nan bi leeb a “Jɔɔnn ŋarin din ki tun toonjaansiari, ŋaan linba kur ki u din piak ki jikit saa Yisa po, li tee barmɔniie.”

Jɔɔnn 6:65

Ki u bia ŋamm yet a “Li paake te ki n beti a sɔɔ kan fit baar n boor ni ki teen n yɔɔ, see ki n Baa Yennu te ki u baar.”

Rom Teeb 1:5

Ŋɔɔ paake ki Yennu ninbatinu be n paak ki te ki n tee u toomii, ki n jii u sann ki saan nibooru kur boor ni, ki te ki bi teenɔ yada ki saak u mɔb;

Rom Teeb 12:6

Li paak, sɔɔ kur-n jii u piinii nba ki Yennu Seyeeŋ turɔ na ki tun biaŋinba ki Yennu turɔ yaak na. A piinii na-i tee fii sɔkint Yennu maan naie, li ŋan fan tun a yada biaŋ;

1 Korint teeb 1:1

Min Pɔɔl nba ki Yisa Masia yiinin a n teen u toomii Yennu loomm ni, min nan ti naa bik Sosenes sɔbin gbouŋ na ki teen Yennu mɔtaauk niib nba be Korint doo ni.

1 Korint teeb 12:11

Linba na kur tee Seyeeŋ maŋ toonae, ki u pi sɔɔ kur piinii kaman nan ŋɔɔ Seyeeŋ nba loon biaŋinba.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Efesus teeb 1:1

Min Pɔɔl wunba ki Yennu gannin a n teen Yisa Masia toomii na foont Yisa Masiaweira nba teenɔ yada ki be Efesus doo ni.

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.