Jɔɔnn 3:17 - Yennu Gbounpaauŋ Mɔɔr

¹⁷ kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Yennu Gbouŋ Mɔɔr

¹⁷ kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 3:17 ပူးပေါင်းရင်းမြစ်များ

Matiu 1:23

“Sapaamunn tan sa soor poor ki mar bonjabik, ki bi tan sa pur u sann Emmanuel.” (Li paak tee a “Yennu be nant.”)

Matiu 18:10

“I mi man ki sɔɔ-n sian waas maŋ ni yenɔkɔɔ; kimaan li tee barmɔniie, bi malakanba nba be sanpaapo na be Yennu tɔɔnn yoo kur.

Matiu 18:11

Tɔn, min nisaarik Bik baar a n tan tinn binba bote.

Barŋanii nba ki LUK din sɔb nae na 19:10

Min nisaarik Bik baar a n lon binba bot na ki lab ŋaan tinnib.”

Barŋanii nba ki LUK din sɔb nae na 9:56

Ki bi nyik, ŋaan saan digbanleer po.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 10:36

Ŋaan min ŋarin, n Baa Yennue gannin ki tumin tingbouŋ na ni; ki ma yet yaa a n tee Yennu Bija na, nlee ki i yaa a li tee bonbilankanti?

Jɔɔnn 11:42

N mi nan yoo kur a saak n miaru, ŋaan ma yet nna na, kimaan n loon ki nibur nba be nna na-n gbat ki teen yada nan fine tumin.”

Jɔɔnn 17:18

Fa din tumin tingbouŋ na ni biaŋinba na, nnee ki n mun bia tumm tingbouŋ ni na.

Jɔɔnn 17:21

N bia meia ma bi kura-n taan mɔyomme. N Baa, fa be n ni, ki n mun be a ni biaŋinba na, ŋaant ki bi mun-n taan nant mɔyomm ti ni nna; ŋannii sa te ki tingbouŋ na ŋaateeb-n teen yada nan fine tumin.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 17:25

N Baa, Popeendaanɔ na, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 17:8

kimaan n pakib maan nba ki a turin nawa, ki bi mun gaara, ki mɔtana bi ji bann nan n set nyii a peŋe nan mɔnii, ki bi teen yada nan fine tumin.

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Jɔɔnn 5:38

Ki u tumin i boor, ŋaan i ki teenin yada; ŋannii want nan u maan kaa i para ni.

Jɔɔnn 5:45

I daa dukii nan n sa pak maan ki biiri n Baa Yennu boori. Daanɔ nba sa pak biiri, ŋɔɔe tee Moses, wunba ki i daan u po na.

Jɔɔnn 6:29

Ki Yisa jiimm a “Toonn nee ki Yennu loon ki yii tuun, a yin teen wunba ki u tumɔ na yada.”

Jɔɔnn 6:38

kimaan n nyii Yendɔuŋ ni ki sik na ma n tun Yennu nba tumin na yanbɔɔtoonne, ŋaan li ki tee n mɔŋ mɔŋ yanbɔɔt kaa.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 6:57

“N Baa Yennu nba be nee yen manfoor, ŋaan tumin, ki u paak ki n mun mɔk manfoor maŋ ki be. Li mun bia sii tee nnee, li-i tee ki wunba ŋman n gbanant, n paak, u sii mɔk manfoor maŋ.

Jɔɔnn 7:29

Ŋaan min miu, kimaan n tuu be u boor nie, ki u tan tumin nna.”

Jɔɔnn 8:11

Ki u jiin a “Chanbaa, sɔɔ ki biari.” Ki Yisa yetɔ a “N mun kan pak biirani. I kun. A ji daa mi ki tuun toonbiiti.”

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.