Jɔɔnn 3:16 - Yennu Gbounpaauŋ Mɔɔr

¹⁶ Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Yennu Gbouŋ Mɔɔr

¹⁶ Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Jɔɔnn 3:16 ပူးပေါင်းရင်းမြစ်များ

Matiu 9:13

Li sɔb Yennu gbouŋ ni a ‘Yennu loon ninbatinue ki gar marouŋ.’ I saa man ki saa tumii bann linba na paak. N ki baar a n yiin popeendamm kaa; ŋaan n baar a n yiin biitdamme a bin nyik bi biit.”

Barŋanii nba ki MAK din sɔb nae na 12:6

Kpadaanɔ maŋ tiauŋ bilonkak din tan biar, ki u tumɔ toontunna maŋ boor ni, ki yet a ‘Bi sa baak n tiauŋ bija nawa.’

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ ni.”

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:18

Sɔɔ kaa ki mi la Yennu; u mɔŋ biyenn nba mantik kpiau ki bia yek nanɔ na, ŋɔɔe fiitɔ ki turit.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 10:28

ki n teemm manfoa nba kaa gbennu, ki bi kan mi ki kpo, ki sɔɔ bia kaa ki sa fit fatib n nuu ni.

Jɔɔnn 3:15

ki wunba teenɔ yada, u sa la manfoor nba kaa gbennu.

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 3:36

Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 5:8

ŋaan Yennu wann nan u set loonit bonchiann kimaan ta din tee biitdamm na Yisa Masia din gaar ti paak ki kpo.

Rom Teeb 8:32

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

Efesus teeb 2:4

Ŋaan Yennu loomm nan u ninbatinu yab bonchiann ki kaa bikinu,

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

Taitus 3:4

Ŋaan ti Tinntɔɔ Yennu loomm nan u burchint nba din tan fiit nyii paanu yoonba,

Hiibru teeb 2:9

Ŋaan ti laat Yisae. Ŋɔɔe ki Yennu din te ki u pɔ malakanba yoo waaminna, a wun gaar sɔɔ kur paak ki kpo, ŋɔɔ Yennu ninbatinu ni na. U kuun fara dinu maŋ paak ki Yennu te ki u la dontir nan paku.

1 Jɔɔnn 3:1

Lek gotir man loonbooru nba ki ti Baa Yennu mantik loont na. U loomm maŋ mantik ji sa yabite, ki u jiit ki teenit u waas, ki ti set mun tee u waase. Ŋaan tingbouŋ na ŋaateeb ki mi ta tee niboorsiab nba, kimaan bi ki mi Yennu.

1 Jɔɔnn 4:19

Yennue sint loonit; ŋanne teen ki ti mun mɔk loomm.