Jɔɔnn 21:7 - Yennu Gbounpaauŋ Mɔɔr

⁷ Ŋanne ki Yisa poorpoweitɔɔ nba ki u mantik loonɔ na yet Piita a “Ti Yomdaanɔe!” Simon Piita nba gbat a u tee bi Yomdaanɔe na, ki u lia u liatir nba ki u poŋ liat bir na, ŋaan yukir sik nyun ni ki baar Yisa peŋ.

Yennu Gbouŋ Mɔɔr

⁷ Ŋanne ki Yiisa poorpoweitɔɔ nba ki u mantik loonɔ na yet Piita a, “Ti Yomdaanɔe.” Simonn Piita nba gbat a bi Yomdaanɔe na, ki u lia u liatir nba ki u bo liat bir na, ki yukir sik nyun ni ki baar Yiisa boor.

Jɔɔnn 21:7 ပူးပေါင်းရင်းမြစ်များ

Barŋanii nba ki MAK din sɔb nae na 11:3

Sɔɔ-i boi-i a bee ki i lot boŋ maŋi, yin betɔ a i yomdaanɔe loonɔ, a ŋaan u sa jiinɔ mɔtana.”

Barŋanii nba ki LUK din sɔb nae na 12:35

“Teent siir man ki daa yokitir i tiati, ki ŋaan ki i fita-ii di,

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 7:47

N beerae, n nyik u biit nba yab ki chabɔ; li paak te ki u mantik loonin bonchiann. Ŋaan wunba ki n nyik chab u biit waaminna, ŋɔɔe loonin waaminna mun.”

Jɔɔnn 13:23

Bi ni yenɔ nba ki Yisa mantik din loonɔ na kar kpiau.

Jɔɔnn 19:26

Ki Yisa la u naa, ki bia la u poorpoweitɔɔ nba ki u mantik loonɔ na, ki u mun see leŋ, ki Yisa yet u naa a “N naa, a bijai na jik,”

Jɔɔnn 20:2

ki u chiar saan Simon Piita nan Yisa poorpoweitɔlɔɔ nba ki Yisa mantik tuu loonɔ na peŋ, ki betib a “Bi piit ti Yomdaanɔ kaauk na niwa, ki ti ki mi ba birɔ siaminba.”

Jɔɔnn 20:20

Wa yet nna poorpoe, ŋaan wannib u niipantin fɔna nan u lokir ni fɔnn na. U poorpoweiteeb nba la bi Yomdaanɔ maŋ, ki bi ji mɔk parpeenn bonchiann.

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Jɔɔnn 21:20

Ki Piita tan jiant ki la Yisa poorpoweitɔlɔɔ nba ki u mantik loonɔ na, ki u waa; ŋɔɔe tee wunba din kar ki kpia Yisa yoo nba ki bi din lakin di jeet na, ki u din dɔnn ki nakinɔ ki boiɔ a “Ŋmee yaa wun tan nyi a poor maŋ na?”

Jɔɔnn 21:24

Tɔn, Yisa poorpoweitɔɔ maŋe tee wunba yeen niib barii maŋ, ki bia sɔbir gbouŋ na ni; ki ti mi nan wa yeen linba na tee barmɔniie.

Jɔɔnn 21:8

Leŋ din ki fɔk nan nyunkpiŋ na; li fɔkint din tee kaman nan taapauŋ kobiinntaae; ki Yisa poorpoweiteleeb ji kan burgbetir na ki li daar janlaauŋ na, ki li gbee nan janii, ki baar nyunkpiŋ na boor.

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

1 Korint teeb 15:47

Sinsinn nirɔ na din nyii tant nie, ki nirɔ nba wei na nyii Yendɔuŋ ni.

2 Korint teeb 5:14

Masia loommu diat; ta ji bann nan ŋɔɔ niyenɔkɔɔe din gaar sɔɔ kur paak ki kpo na, li want nan sɔɔ kur din kpo nanɔe.

Jeems 2:1

N naa waas, ya teen ti Yomdaanɔ Yisa Masia wunba tee paŋ daanɔ na yada biaŋinba, i daa mɔk ningannii.