Jɔɔnn 21:15 - Yennu Gbounpaauŋ Mɔɔr

¹⁵ Ba din dii jeet maŋ poorpoe, ki Yisa boi Simon Piita a “Simon, wunba tee Jɔɔnn bik, a loonin ki gar ŋammii?” Ki u jiin a “Nn, n Yomdaanɔ, a mi nan n loona.” Ki u yetɔ a “I dint n pebis.”

Yennu Gbouŋ Mɔɔr

¹⁵ Baa din dii jeet maŋ poorpoe, ki Yiisa boi Simonn Piita a, “Simonn, fin Jɔɔnn bija, a loonin ki gar linba nawa-a?” Ki u jiin a, “Nn, n Yomdaanɔ, a mi nan n loona.” Ki u yetɔ a, “Ii dint n pebis.”

Jɔɔnn 21:15 ပူးပေါင်းရင်းမြစ်များ

Matiu 10:37

“Wunba loon u naa amii u baa ki garin, u ki ŋan nan wun teen n poorpoweitɔɔ; wunba mun bia loon u bija amii u bipoo ki garin, u ki ŋan nan wun teen n poorpoweitɔɔ.

Matiu 16:17

Ki Yisa betɔ a “Fin Simon, wunba tee Jona bija na, parpeenn be a paak, kimaan nisaarik kaa fiit barii na wannani, ŋaan n Baa Yennu wunba be sanpaapo nee fiit ki wanna.

Matiu 18:10

“I mi man ki sɔɔ-n sian waas maŋ ni yenɔkɔɔ; kimaan li tee barmɔniie, bi malakanba nba be sanpaapo na be Yennu tɔɔnn yoo kur.

Matiu 26:33

Ki Piita jiin ki yetɔ a “N Yomdaanɔ, sɔɔ kur-i lekii taŋŋi tin ki nyika, ŋaan min ŋanin kan mi tin ki nyikani.”

Matiu 26:35

Ki Piita jiin a “Li-i lekii baar a min nan fin-n lakin kpo gbaa, n kan mi ki nɔi a n ki miani.” Ki u poorpoweiteeb na kura mun din yet nna.

Barŋanii nba ki MAK din sɔb nae na 14:29

Ki Piita jiin yet a “N leeb na kur-i lekii nyika, ŋaan min ŋanin kan nyikani.”

Barŋanii nba ki LUK din sɔb nae na 12:32

“N niib nba ki yab na, i daa tiin jaŋmaanii, kimaan i Baa Yennu yaa wun turi naan maŋ, ki bia mɔk parpeenn nan wa sa turi na paak.

Barŋanii nba ki LUK din sɔb nae na 22:32

Ŋaan fin Simon, mine miar Yennu a paak, ki a yada daa baa; ki yoo nba ki a ji jen n boor ni, a tot a naa waas.”

Jɔɔnn 1:42

ŋaan baar nanɔ Yisa boor. Ki Yisa gotɔ sirrr, ki tan betɔ a “Fine tee Simon wunba tee Jɔɔnn bija, ŋaan a sann bia sii yi Siifas.” (Siifas nan Piita sana tee yomme, ki li paak tee tann.)

Jɔɔnn 13:37

Ki Piita bia boiɔ, “N Yomdaanɔ, bee teen ki n kan fit weia mɔtana? Min ŋarin poŋ teen siir nan ki n gaar a paak ki kpo.”

Jɔɔnn 16:27

kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Jɔɔnn 21:12

Ŋanne ki Yisa betib a “Saana man ki tan ŋman.” Ŋaan nan bi yenɔkɔɔwa lek ki mɔk par nan wun boiɔ a u tee ŋmee, kimaan bi mi nan u tee bi Yomdaanɔe.

Jɔɔnn 21:7

Ŋanne ki Yisa poorpoweitɔɔ nba ki u mantik loonɔ na yet Piita a “Ti Yomdaanɔe!” Simon Piita nba gbat a u tee bi Yomdaanɔe na, ki u lia u liatir nba ki u poŋ liat bir na, ŋaan yukir sik nyun ni ki baar Yisa peŋ.

Jɔɔnn 8:42

Ki Yisa betib, “Li-i bo-i tee ki Yennu mɔŋ tee i baa, i bo sii loonima, kimaan n nyii ŋɔɔ Yennu peŋe ki baar nna. N bia ki baar nan n mɔŋ mɔŋ yaak kaa, ŋaan ŋɔɔe tumin.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 20:29

N mi nan mi-i kaa, nibiit tan sa baar i sinsuuk ni, ki biir Yisaweira siab kaman nan kinkata nba tuu so pei biaŋinba na.

Rom Teeb 14:1

Gaat man yadakanpɔɔna damm na, ŋaan daa nɔi namm mɔniɔk bi yada ni.

Rom Teeb 15:1

Timm nba ki ti yada chee na, li ŋan ki tii mɔk sukuru ki somm ti leeb nba yada daa ki chee na, ki daa tuun ti mɔŋ loomm kuukɔɔ kaa.

1 Korint teeb 8:11

Fin nba tee banntɔɔ na, a bannu na sa biir a naa bik nba yada ki paar na, wunba ki Masia din gaar u paak ki kpo na.

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

Efesus teeb 6:24

Yennu-n somm binba kur loon ti Yomdaanɔ Yisa Masia nan loomm nba kaa gbennu na.

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 4:13

Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.

1 Piita 2:2

I poŋ la nan ti Yomdaanɔ ŋane, li paak, yii loon Yennu mɔmaan man kaman nan sanpantik nba loon biin biaŋinba na; kimaan maan maŋ sa te ki yin kpaat tinnu sɔnu ni.

1 Piita 2:25

I din tuu tee kaman nan pebotkai nee, ŋaan mɔtana i jen i kpaarik wunba guu i sei na boora.

1 Jɔɔnn 4:19

Yennue sint loonit; ŋanne teen ki ti mun mɔk loomm.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.