Jɔɔnn 20:31 - Yennu Gbounpaauŋ Mɔɔr

³¹ Ŋaan toonjaana nba sɔb ki be nna na, bi sɔb a yin teen yada nan Yisae tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, i sa la manfoor nba kaa gbennu, u paak.

Yennu Gbouŋ Mɔɔr

³¹ Linba sɔb ki be gbouŋ na ni, bi sɔb a yin teen yada nan Yiisa-e tee Yennu Niganntɔɔ Masia, ki bia tee Yennu Bija. Li-i tee ki i teenɔ yada, u paake ki i saa la manfoor nba kaa gbennu.

Jɔɔnn 20:31 ပူးပေါင်းရင်းမြစ်များ

Matiu 16:16

Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Matiu 27:54

Ki lanjimanba yudaanɔ na, nan u lanjimanba nba pukin u paak ki bi guu Yisa na nba la nna yoonba, nan tiŋ dammu na, ki jaŋmaanii soorib bonchiann, ki bi yeen beer bi leeb a “Barmɔniie, jɔɔ na set tee Yennu Bijae.”

Matiu 4:3

Ki Sintaanii baar u boor ni ki tan yetɔ a “Li-i tee ki a set kii tee Yennu Bijaie, fan yet tana na ki lin kpant jeet ki a di.”

Barŋanii nba ki MAK din sɔb nae na 16:16

Wunba kur teenin yada, ki bi wurɔ Yennu nyunwuru, u sa la tinnu; ŋaan wunba kur ki teenin yada, Yennu sa bu u buut ki biirɔwa.

Barŋanii nba ki LUK din sɔb nae na 1:35

Ki malaka na yetɔ, “Yennu Seyeeŋ sa sik a paak, ki Yabint Yennu paŋ sa sik bakin a paak; li paak, bik nba ki a tan sa marɔ maŋ tan sii tee popeendaanɔ, ki bi sii yiu Yennu Bija.

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Jɔɔnn 1:49

Ki Natanael yetɔ a “Chanbaa, a tee Yennu Bijae, ki bia tee Israel teeb kpanbar.”

Jɔɔnn 10:10

Nanyukɔɔ ŋarin baat a wun tan jan pei nae, ki bia kpib, ki bia biirib. Mine baar a niib-n la manfoor nba tee manfoor nan barmɔnii.

Jɔɔnn 19:35

Min nba sɔbin gbouŋ nee la ba teen biaŋinba na nan n mɔŋ ninbina, ki teen siara nan li tee mɔniie, ki n mi nan n siara maŋ tee barmɔniie, ki n sɔbin linba tee barmɔnii na a i fit lian teen yada.

Jɔɔnn 20:28

Ki Tomas yetɔ a “Fine tee n Yomdaanɔ ki bia tee n Yennu.”

Jɔɔnn 3:18

Ki daanɔ nba teen Yennu Bija maŋ yada, Yennu kan bu u buut ki biirɔ, ŋaan wunba ki teeu yada, Yennu poŋ bu u yaa buut ki biirɔwa, kimaan u ki teen ŋɔɔ Yennu Bijayemmir maŋ yada.

Jɔɔnn 3:36

Daanɔ nba tee Yennu Bija yada, u sii mɔk manfoor nba kaa gbennu, ki daanɔ nba mun ki saak Yennu Bija na mɔb kan la manfoor maŋi, ŋaan Yennu wutoor sa do u paak ki kan gbenni.

Jɔɔnn 5:24

“Barmɔniie ki n beeri na, daanɔ nba gbat n maan na, ki bia teen wunba tumin na yada, ŋɔɔe mɔk manfoor nba kaa gbennu; ki Yennu kan bu u buut ki biirɔ. U bia poŋ nyii kuun nuu niwa, ki be manfoor maŋ nie.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Toona 3:16

“Yisa maŋ sann paŋ nba ki ti yi nee te ki jɔɔ na paak. Wɔbik na tee wunba ki i poŋ tuu miu ki bia laatɔe, ŋaan ki u tan paak na, kimaan wa teen Yisa sann yada na paak. Wa teen Yisa yada na paake te ki u paak ki see i numm nna.

Toona 8:36

Ba tɔk sɔnu maŋ ki siik yoonba, ki bi la nyun nna dɔɔ. Ki jatɔɔkir na yetɔ a “Gotir, nyume na. A bee yaa lin teen ki a kan wurin Yennu nyunwuru?”

Toona 8:37

Ki Filip yetɔ a “Li-i tee ki a teen Yisa yada nan a par kura, n sa wurawa.” Ki u jiin a “N teen yada nan Yisa Masia tee Yennu Bijae.”

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

1 Piita 1:9

Ya teenɔ yada na, li paak i la tinnuwa.

1 Jɔɔnn 4:15

Wunba yaa a u teen yada nan Yisa tee Yennu Bija, ŋɔɔe ki Yennu be u ni, ki u mun bia gaa Yennu paak.

1 Jɔɔnn 5:1

Binba kur tee yada nan Yisa tee Yennu Niganntɔɔ Masia na, li yabe tee Yennu waas. Ki daanɔ nba loon nisɔɔ, u bia sii loon nirɔ maŋ waase.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.

Fiitu 2:18

Ki wunba ki n lau na bia betin a n sɔb labaar na ki tur u weira nba lakin ki be Tiataira doo ni na malaka a “Labaar na nyii Yennu Bija nba ki u ninbina naan nan mupeenu na, ki u taa bia nyirii kaman nan nabint nba tuu nyirii biaŋinba na boor nie;