Jɔɔnn 20:26 - Yennu Gbounpaauŋ Mɔɔr

²⁶ Li daa ŋanniin poorpoe ki Yisa poorpoweiteeb na bia tan lakin leeb ki be diiuk ni, ki Tomas ji be bi ni, ki bi yaan kpar gann; ki Yisa tan baar see bi ni, ki betib a “Parmaasir-ii be i paak,”

Yennu Gbouŋ Mɔɔr

²⁶ Li daa ŋanniin daare ki Yiisa poorpoweiteeb na bia lakin leeb ki be diiuk ni, ki Tomas ji be bi ni, ki bi yaan kpar gann; ki Yiisa tan baar see bi ni, ki betib a, “Parmaasir-ii be i paak,”

Jɔɔnn 20:26 ပူးပေါင်းရင်းမြစ်များ

Matiu 17:1

Li poorpoe ki li tan teen daa ŋannloob, ki Yisa jii Piita, nan Jems nan u naa bik Jɔɔnn, ki doo namm jɔɔr nba fɔk bonchiann paak, bi kuukɔɔ.

Barŋanii nba ki MAK din sɔb nae na 16:14

Li poorpoe biak ki Yisa poorpoweiteeb piik nan yenɔkɔɔ na din kar ki di jeet, ki u tan dɔkit bi paak, ki sarikitib bi yada pɔɔrin paak, nan bi tuba nba kpaa biaŋinba na paak, kimaan bi ki teen binba lau ki u fiir kuun ni na yada.

Barŋanii nba ki LUK din sɔb nae na 24:36

Ba beerib linba na, li taakpaak ni ki Yisa set bi sinsuuk ni ki yetib a “Parmaasir-ii be i paak.”

Barŋanii nba ki LUK din sɔb nae na 9:28

Wa din pak nna ki gbenn maŋ, li poorpoe ki li teen kaman nan daa ŋanniin na, ki u jii Piita nan Jɔɔnn nan Jems, ki doo namm kunkonn paak a wun saa miar Yennu.

Jɔɔnn 11:16

Ki Tomas, wunba ki bi yiu Jaak na, yet u leeb a “Ŋaant ki ti mun-n saan man. Li-i sii tee kuun, timm nan ŋɔɔ-n kpo.”

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 20:19

Lasir daar maŋ nyiɔko, ki Yisa poorpoweiteeb na tan lakin leeb ki be diiuk ni, ŋaan kpar gann, kimaan bi tiin Juu teeb yudamm jaŋmaaniie, ki tan sɔɔ ki Yisa see bi sinsuuk ni, ki betib a “Parmaasir-ii be i paak.”

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 21:1

Li poorpoe ki Yisa ŋamm dɔkit ki wann u mɔŋ ki tur u poorpoweiteeb, mɔkgbeŋŋir nba ki bi yir Taiberias na ni. Wa dɔkit biaŋinbae na:

Jɔɔnn 21:14

Linba nee din tee taar munntaa ni ki Yisa jii u mɔŋ ki wann u poorpoweiteeb, Yennu nba din fiinɔ kuun ni na poorpo.

Toona 1:3

U kuun poorpoe ki u din jii dapiinna ki yɔɔ want u mɔŋ ki teemm, ki li want nan birsuk kaa ki u set jen u manfoor niwa, ki bi din tuu yɔɔ laatɔ, ki u piak namm ki jikit saa Yennu naan po.