Jɔɔnn 20:21 - Yennu Gbounpaauŋ Mɔɔr

²¹ Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Yennu Gbouŋ Mɔɔr

²¹ Ki Yiisa bia ŋamm yetib a, “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 20:21 ပူးပေါင်းရင်းမြစ်များ

Matiu 10:16

“Gotir man, n tuumi ki i sii tee kaman nan pei nba be kinkata sinsuuk ni. Yii sub man kaman nan walabirii na, ŋaan kii be soonna kaman nan ŋmana na.

Matiu 10:40

“Wunba gaari saauŋ, u gaar mine saauŋ; ki wunba mun bia gaar min saauŋ, u gaar Yennu wunba tumin nee mun biak.

Barŋanii nba ki LUK din sɔb nae na 24:36

Ba beerib linba na, li taakpaak ni ki Yisa set bi sinsuuk ni ki yetib a “Parmaasir-ii be i paak.”

Jɔɔnn 13:20

“Barmɔniie ki n beeri na, daanɔ nba gaar n toomu, u gaar mine; ki wunba gaar min na, u gaar Yennu wunba tumin na mune.”

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 20:19

Lasir daar maŋ nyiɔko, ki Yisa poorpoweiteeb na tan lakin leeb ki be diiuk ni, ŋaan kpar gann, kimaan bi tiin Juu teeb yudamm jaŋmaaniie, ki tan sɔɔ ki Yisa see bi sinsuuk ni, ki betib a “Parmaasir-ii be i paak.”

Jɔɔnn 20:22

Li poorpoe ki u foont bi paak ŋaan yetib a “Gaat Yennu Seyeeŋ man.

Jɔɔnn 20:26

Li daa ŋanniin poorpoe ki Yisa poorpoweiteeb na bia tan lakin leeb ki be diiuk ni, ki Tomas ji be bi ni, ki bi yaan kpar gann; ki Yisa tan baar see bi ni, ki betib a “Parmaasir-ii be i paak,”

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Toona 1:2

Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

2 Timoti 2:2

Fa poŋ din gbat wannu nba n peŋ niib bonchiann boor ni na, a jiir ki wann nisiab nba tee yadadamm, binba mun sa fit wann nileeb mun.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

3 Jɔɔnn 1:14

Ŋaan n mɔk dindann nan n tan sa baar ki la-a daa ŋannlelee na ni, ki tin tan pak nan leeb mɔi ni.