Jɔɔnn 20:19 - Yennu Gbounpaauŋ Mɔɔr

¹⁹ Lasir daar maŋ nyiɔko, ki Yisa poorpoweiteeb na tan lakin leeb ki be diiuk ni, ŋaan kpar gann, kimaan bi tiin Juu teeb yudamm jaŋmaaniie, ki tan sɔɔ ki Yisa see bi sinsuuk ni, ki betib a “Parmaasir-ii be i paak.”

Yennu Gbouŋ Mɔɔr

¹⁹ Lasir daar maŋ nyiɔko, ki Yiisa poorpoweiteeb na tan lakin leeb ki be diiuk ni, ŋaan kpar gann, kimaan bi tiin Juu teeb yudamm na jaŋmaanii, ki tan sɔɔ Yiisa see bi sinsuuk ni, ki betib a, “Parmaasir-ii be i paak.”

Jɔɔnn 20:19 ပူးပေါင်းရင်းမြစ်များ

Matiu 10:13

Ŋaak maŋ teeb-i tee niburchimm, i parmaasir-n biar ŋaak maŋ teeb paak; ŋaan niburchimm-i kaa leŋi, i parmaasir maŋ bia sa jen i paak na.

Matiu 18:20

Kimaan siaminba ki niib bannlee amii banntaa taan lakin n sann ni, leŋe ki n mun bia be bi sinsuuk ni.”

Barŋanii nba ki MAK din sɔb nae na 16:14

Li poorpoe biak ki Yisa poorpoweiteeb piik nan yenɔkɔɔ na din kar ki di jeet, ki u tan dɔkit bi paak, ki sarikitib bi yada pɔɔrin paak, nan bi tuba nba kpaa biaŋinba na paak, kimaan bi ki teen binba lau ki u fiir kuun ni na yada.

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 16:22

Li tan sii tee i mun nnee; mɔtana ya mɔk parbiir na, ŋaan n bia tan sa laiwa, ki i para tan sa penn bonchiann, ki sɔɔ kaa ki tan sa nyinn parpeenn maŋ i ni.

Jɔɔnn 16:33

N beti fara na baaru po a i tan fit kii laat parmaasire, kimaan ya gaa n paak na. I tan sii di fara tingbouŋ na ni. Ŋaan yii mɔk parcheenn man, kimaan min ŋarin nyann tingbouŋ nawa.”

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 20:26

Li daa ŋanniin poorpoe ki Yisa poorpoweiteeb na bia tan lakin leeb ki be diiuk ni, ki Tomas ji be bi ni, ki bi yaan kpar gann; ki Yisa tan baar see bi ni, ki betib a “Parmaasir-ii be i paak,”

Jɔɔnn 21:1

Li poorpoe ki Yisa ŋamm dɔkit ki wann u mɔŋ ki tur u poorpoweiteeb, mɔkgbeŋŋir nba ki bi yir Taiberias na ni. Wa dɔkit biaŋinbae na:

Jɔɔnn 21:14

Linba nee din tee taar munntaa ni ki Yisa jii u mɔŋ ki wann u poorpoweiteeb, Yennu nba din fiinɔ kuun ni na poorpo.

Jɔɔnn 7:13

ŋaan sɔɔ din ki pak u po peee peee ni, kimaan bi tiin Juu teeb yudamm jaŋmaaniie.

Toona 1:3

U kuun poorpoe ki u din jii dapiinna ki yɔɔ want u mɔŋ ki teemm, ki li want nan birsuk kaa ki u set jen u manfoor niwa, ki bi din tuu yɔɔ laatɔ, ki u piak namm ki jikit saa Yennu naan po.

Rom Teeb 15:33

Yennu nba teent parmaasir na sii be nani. Mɔmɔmm.

1 Korint teeb 15:5

ki u dɔkit Piita paak, ki bia dɔkit toomiinba piik nan bannlee na ni.

Efesus teeb 2:14

kimaan ŋɔɔe taan Juu teeb nan binba ki tee Juu teeb ki teemm niyenɔkɔɔ, ki parmaasir baar; u gbanant paak ki u biir dataar nba din tuu puun bi sinsuuk ni na.

Efesus teeb 6:23

Ti Baa Yennu nan ti Yomdaanɔ Yisa Masia-n tur yimm Masiaweira kur parmaasir nan loomm nan yada.

Filipi teeb 1:2

Ti Baa Yennu nan ti Yomdaanɔ Yisa Masia-n sommi, ki bia turi parmaasir.

2 Tesalonika teeb 3:16

Ti Yomdaanɔ wunba teent parmaasir na-n turi parmaasir yoo kur, siar kura ni. Ti Yomdaanɔ-ii be nan i kur.

Hiibru teeb 7:2

ki Abraham din nyinn bona piik ni yennkɔɔ wa din kɔn fat bont nba na kur ni ki turɔ. (Melkisedek, u sann maŋ paak tee a “Yentinu Bat,” ŋaan u din tee Salem bat; ki Salem paak tee parmaasir, li paak, ki u bia tee “Parmaasir Bat.”)

3 Jɔɔnn 1:14

Ŋaan n mɔk dindann nan n tan sa baar ki la-a daa ŋannlelee na ni, ki tin tan pak nan leeb mɔi ni.

Fiitu 1:4

Min Jɔɔnn sɔbin gbouŋ na ki teen Masiaweira nba bɔkit ki be digbana ŋannlore, ki be Asia yent ni na. Yennu nba be, ki din be, ki bia tan sii be yoo nba kaa gbennu, ki sei ŋannlore be u naangbouŋ tɔɔnn na, nan Yisa Masia wunba mɔɔntir Yennu maan nan barmɔnii, ki tee sinsinn wunba din kpo ki fiir kuun ni ki bia tee tingbouŋ na kpanbara kur Kpanbar na, bin turi sommir nan parmaasir. U loont, ki din gaar ti paak ki kpo, ki nyinnit ti biit daabsin ni;