Jɔɔnn 20:15 - Yennu Gbounpaauŋ Mɔɔr

¹⁵ Ki Yisa boiɔ “N niipoo, bee ki a mɔ? A gorii loon ŋmee?” Mari ŋarin din mi a u tee kpaab na toontunnɔe, ki u yetɔ a “Li-i tee ki a jiiue, fan betin fa teenɔ sian, ki n saan ki saa jiiu.”

Yennu Gbouŋ Mɔɔr

¹⁵ Ki Yiisa boiɔ a, “N niipoo, bee ki a mɔ? A loon ŋmee?” Meeri ŋarin din mi a u tee kpaab na toontunnɔe. Ki u yetɔ a, “Li-i tee ki a jiiuie, fan betin faa teenɔ sian, ki n saan ki saa jiiu.”

Jɔɔnn 20:15 ပူးပေါင်းရင်းမြစ်များ

Matiu 12:34

Yimm walabirii booru na, ya tee nifobiit biaŋinba na, nlee ki barŋanii sa fit nyi i mɔi ni? kimaan linba ki nifosaarik dukii u par ni, ŋanne bia nyi u mɔb ni.

Matiu 28:5

Ki malaka na bet poob maŋ a “Yimm daa tiin jaŋmaanii man. N mi nan i loon Yisa nba ki bi kpaau dapunpunn paak nee.

Barŋanii nba ki MAK din sɔb nae na 16:6

Ki naasinbik maŋ yetib a “I daa jee siar mani. N mi nan i loon Nasaret nirɔ Yisa nba ki bi kpiiu dapunpunn paak nee. U kaa nna; u fiir kuun niwa. Gotir man ba daan birɔ siaminba na.

Barŋanii nba ki LUK din sɔb nae na 2:44

Bi din dukii mi a u be nibur na nie, ki bi somm daar maŋ kur; ŋanne ki bi loomɔ bi niib ni nan bi leeb ni,

Barŋanii nba ki LUK din sɔb nae na 24:5

ki li teen poob na jaŋmaansooruk, ki bi gbaan tiŋ ni. Ki jab na boib a “Bee ki i gorii footɔɔ kpeemm ni?

Jɔɔnn 1:38

Ki Yisa saa jiant got ki la ki bi waau, ki u boib a “I loon bee?” Ki bi jiin a “Wanntɔɔ, ti loon ki ti bann fa be siame.”

Jɔɔnn 18:4

Yisa ŋarin din mi bonsiar kur nba yaa lin teenɔ, ŋanne ki u nyii tɔɔnn, ki boib a “I loon ŋmee?”

Jɔɔnn 18:7

Ki Yisa ŋamm boib a “I loon ŋmee?” Ki bi bia yaa a “Yisa nba tee Nasaret nirɔ na.”

Jɔɔnn 20:13

Ki bi boiɔ a “Poo na, bee ki a mɔ?” Ki u jiin a “Kimaan bi piit n Yomdaanɔe, ki n ki mi ba teenɔ siami.”