Jɔɔnn 2:23 - Yennu Gbounpaauŋ Mɔɔr

²³ Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Yennu Gbouŋ Mɔɔr

²³ Yukitgar tiaru jaamm na yooe ki Yiisa din be Jerusalem, ki tuun bakitnauŋ toona, ki niib bonchiann la ki teenɔ yada,

Jɔɔnn 2:23 ပူးပေါင်းရင်းမြစ်များ

Barŋanii nba ki LUK din sɔb nae na 8:13

Ki linba mun baa tanpuut paak naan nan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Jɔɔnn 11:45

Ki Juu teeb bonchiann nba din baar a bin maan Mari par na, ki ba la linba ki Yisa tun, ki bi teenɔ yada.

Jɔɔnn 2:11

Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Jɔɔnn 2:13

Ŋanne ki Israel teeb yukitgar tiaru jaamm tan per, ki Yisa saan Jerusalem, a wun saa di jaamm maŋ.

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 4:45

Ŋaan wa din baar Galilee yoonba, niib na din gaarɔ, kimaan ba daan saan yukitgar tiaru jaamm Jerusalem na, bi daan la linba kur ki u poŋ tun Jerusalem ni jaamm yoo na.

Jɔɔnn 5:36

“Bakitnauŋ toonjaana nba ki n tuun na, ŋannii want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki n tuun, ki toona maŋ want n siara nan n Baa Yennue tumin.

Jɔɔnn 6:14

Niib maŋ nba la bakitnauŋ toonjaann nba ki Yisa tun na, ki bi yet a “Barmɔniie setik, nirɔ nee tee Yennu sɔkinii nba yaa wun tan baar tingbouŋ na ni na.”

Jɔɔnn 6:2

Ki niburchiauŋ din waa u poor po, kimaan bi din la u bakitnauŋ toonjaana nba ki u din tuun ki te ki baatib paak na.

Jɔɔnn 7:31

Ki nibur na ni niib bonchiann din teenɔ yada, ki boi bi leeb a “Yennu Niganntɔɔ Masia na-i taŋŋi baar, u sii tuun toonjaana bonchiann ki gar jɔɔ na yaraa?”

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.