Jɔɔnn 2:11 - Yennu Gbounpaauŋ Mɔɔr

¹¹ Tɔn, Yisa nba din tun toonjaann maŋ Kana nba be Galilee tiŋ ni na, ŋannii din tee u sinsinn nyinn, ki li wann niib wa mɔk Yennu paŋ biaŋinba; ki u poorpoweiteeb na teenɔ yada.

Yennu Gbouŋ Mɔɔr

¹¹ Tɔn, Yiisa nba din tun toonjaann maŋ Keena nba be Galilii yent ni na, ŋanne din tee u sinsinn toonjaann, ki li wann niib waa mɔk Yennu yiikoo biaŋinba; ki u poorpoweiteeb na teenɔ yada.

Jɔɔnn 2:11 ပူးပေါင်းရင်းမြစ်များ

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:17

Moses din turit Yennu sennue, ŋaan Yisa Masia ŋarin din baar nan ninbatinu ki teent ki bia want barmɔnii wannu.

Jɔɔnn 1:43

Li sanyafannuko, ki Yisa loon wun saan Galilee. Ki u lon Filip boor ki betɔ a “I waan.”

Jɔɔnn 1:50

Ki Yisa boiɔ, “Ma yeta a n la-a ki a kar kinkaŋ nyakir nie, ki a teenin yada-aa? ŋaan a sii laat toonjaana ki lin gar linba na paak.

Jɔɔnn 10:41

Ki niib bonchiann din baar Yisa peŋ, ki din piak nan bi leeb a “Jɔɔnn ŋarin din ki tun toonjaansiari, ŋaan linba kur ki u din piak ki jikit saa Yisa po, li tee barmɔniie.”

Jɔɔnn 11:15

ŋaan i paak n mɔk parpeenn nan ma daan kaa u boor ni na, kimaan ŋannii sa te ki i fit lian teenin yada. Ŋaant tin saan u peŋ man.”

Jɔɔnn 11:47

Li paak ki Farisiinba maŋ nan Yennu jiantu yudamm yiin tintaankaanu, ki bi tikir; ki bi boi bi leeb a “Ti sa teen nlee? Jɔɔ maŋ tuun toonjaana bonchiann.

Jɔɔnn 12:18

Li paake te ki niib bonchiann din chetɔ, kimaan ba gbat ki u tun toonjaann maŋ na paak.

Jɔɔnn 12:37

U lek din tun toonjaana bonchiann bi numm ni, ŋaan bi din ki teenɔ yada.

Jɔɔnn 12:41

Aisaya din yet nna, kimaan u din la u yentchiauŋ, ki din bunt buntir ki jikit saa u po.

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 16:27

kimaan n Baa Yennu mɔŋ mɔŋ looni; ki wa looni maŋ paak tee nnee, kimaan ya loonin ki bia teen yada nan n nyii n Baa maŋ boore na.

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boiani. Li paake teen ki ti teen yada nan a nyii Yennu peŋe.”

Jɔɔnn 2:1

Li daa ŋanntaa daar, ki bi yaa bin chian pooyookir, doo nba sann yi Kana na, ki li be Galilee tiŋ ni. Ki bi din poi Yisa naa,

Jɔɔnn 2:23

Yukitgar tiaru jaamm maŋ yooe ki Yisa din biar Jerusalem, ki din tuun bakitnauŋ toonjaana, ki niib bonchiann din la ki teenɔ yada,

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

Jɔɔnn 4:3

Yisa nba bann nan Farisiinba na gbat biaŋinba maŋ na, ki u nyii Judea tiŋ ni ki ŋmat saa Galilee tiŋ ni.

Jɔɔnn 4:46

Wa din lin Galilee tiŋ ni na, ki u din saan Kana, siaminba ki u din te ki nyun kpant tilɔɔna daan na. Ki yudaansɔɔ din be Kapenaum, ki u bija din yiar.

Jɔɔnn 4:54

Yisa nba din tun toonjaann maŋ na, li din tee toonjaann nba pukin ŋannlee ki u tun yoo nba ki u nyii Judea tiŋ ni ki baar Galilee tiŋ ni nee.

Jɔɔnn 5:23

a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Jɔɔnn 6:14

Niib maŋ nba la bakitnauŋ toonjaann nba ki Yisa tun na, ki bi yet a “Barmɔniie setik, nirɔ nee tee Yennu sɔkinii nba yaa wun tan baar tingbouŋ na ni na.”

Jɔɔnn 6:2

Ki niburchiauŋ din waa u poor po, kimaan bi din la u bakitnauŋ toonjaana nba ki u din tuun ki te ki baatib paak na.

Jɔɔnn 6:26

Ki Yisa betib, “Barmɔniie ki n beeri na, li tee ma won turi jeet ki i dii ki gboo nee, ŋanne te ki i loomin maŋ, ŋaan li ki tee ya la n bakitnauŋ toonjaana na kaa.

Jɔɔnn 6:30

Ki bi bia boiɔ a “Toonjaanlannpoe ki a sa tun ki wannit, ki tin la ki teena yada? A sa teen nlee?

Jɔɔnn 7:31

Ki nibur na ni niib bonchiann din teenɔ yada, ki boi bi leeb a “Yennu Niganntɔɔ Masia na-i taŋŋi baar, u sii tuun toonjaana bonchiann ki gar jɔɔ na yaraa?”

Jɔɔnn 9:16

Ki Farisiinba siab yet a “Yisa ki nyii Yennu boor ni kaa, kimaan u tuun toonn foon daar. Ŋannii want nan u ki dia foon daar sennu.” Ki bi siab mun boi a “Nlee ki biitdaanɔ sii fit tuun toonjaana na booru?” Ki bɔkitu baar Farisiinba na sinsuuk ni.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

1 Jɔɔnn 5:13

N sɔbin gbouŋ na ki teen yimm nba teen Yennu Bija yada, kimaan n loon ki i bann nan i mɔk manfoor nba kaa gbennu.